ត្បូងឃ្មុំ ៖ គោយន្តច្នៃមួយគ្រឿង ដឹកដំឡូងពេញ បានក្រឡាប់ បណ្តាលឲ្យស្លាប់ ពីរនាក់ភ្លាមៗ នៅកន្លែង កើតហេតុ កាលពីវេលាម៉ោង ១៥និង៣០នាទី រសៀលថ្ងៃទី០៦ ខែកុម្ភៈ ឆ្នាំ២០១៥ នៅតាមផ្លូវលំ ត្រង់ស្ពានជ្រៃ ស្ថិតនៅភូមិជ្រៃ ឃុំត្រមូង ស្រុកមេមត់ ។

សមត្ថកិច្ចមូលដ្ឋាន បានឲ្យដឹងថា អ្នកបើកគោយន្តច្នៃ មានឈ្មោះ ជា ខា អាយុ៣២ឆ្នាំ មានទីលំនៅ ភូមិទួលគ្រួស ឃុំជាំតាម៉ៅ ស្រុកមេមត់ ខេត្តត្បូឃ្មុំ ក្រោយកើតហេតុ គេចខ្លួនបាត់ ។ ចំណែក អ្នកស្លាប់ទាំង ពីរនាក់មានឈ្មោះ ១-ឈ្មោះ ក្រ វ៉េពៅ ភេទប្រុស អាយុ៣៤ឆ្នាំ និង២-ឈ្មោះ មីន ចិត ភេទប្រុស អាយុ៣៩ឆ្នាំ អ្នកទាំង២ មានទីលំនៅ ភូមិទួលគ្រួស ឃុំជាំតាម៉ៅ ស្រុកមេមត់ ខេត្តត្បូងឃ្មុំ ។

សមត្ថកិច្ចមូលដ្ឋាន បានឲ្យដឹងបន្តថា គោយន្តច្នៃ ពណ៌ខៀវ គ្មានស្លាកលេខនោះ ហើយក្រោយបង្កហេតុ នគរបាលមូលដ្ឋាន បានយកទៅ រក្សាទុក នៅអធិការដ្ឋាន នគរបាលស្រុកមេមត់ ដើម្បីរង់ចាំធ្វើ ការដោះស្រាយ ចំណែកជនរង គ្រោះទាំងពីរនាក់ បានប្រគល់ទៅ ឲ្យក្រុមគ្រួសារ ធ្វើបុណ្យតាម ប្រពៃណី៕

ផ្តល់សិទ្ធដោយ ដើមអម្ពិល