រាជធានីភ្នំពេញ ៖ យុវជនស្ទាវ២ក្រុមចេញពីក្លិបបានវាយតប់គ្នាតាមផ្លូវ សាធារណៈ ខណៈក៏ប្រទះឃើញ សន្តិសុខ ឯកជនបាននាំគ្នា រត់ចោល ម៉ូតូមួយគ្រឿង ម៉ាកហុងដាវ៉េវ កាលពីវេលាម៉ោង ០២ និង៣០នាទី រំលងអធ្រាត្រ ថ្ងៃទី០៥ កុម្ភៈ ២០១៥ ស្ថិតនៅតាម ផ្លូវជាតិលេខ៣ នៅក្បែរ វ៉ាវឌីស្កូក្លិប ក្នុងភូមិព្រៃព្រីង ខាងត្បូង សង្កាត់ចោមចៅ ខណ្ឌពោធិ៍សែនជ័យ ។

ប្រភពពីសន្តិសុខយាមក្បែរកន្លែងកើតហេតុបានឱ្យដឹងថា មុនពេលកើតហេតុ គេឃើញយុវជន២ក្រុមមិន ដឹងមានទំនាស់ រឿងអីជាមួយ គ្នានៅ ក្នុងក្លឹបទេ ជិះម៉ូតូពីត្បូង ទៅជើង លុះមកដល់ចំណុច ខាងលើ បានឈប់ម៉ូតូនៅ តាមចិញ្ចើមផ្លូវ ហើយវាយតប់គ្នា ទៅវិញទៅមក ពេល នោះសន្តិសុខក៏បាន ដើរសំដៅធ្វើឱ្យយុវជន ទាំង២ក្រុមភ័យ បាននាំគ្នារត់គេចខ្លួន ដោយបន្សល់ទុកម៉ូតូ ម៉ាកហុងដាវ៉េវ ពណ៌ខៀវ ពាក់ស្លាក លេខ សៀមរាប 1F 8100 នៅកន្លែងកើតហេតុ ។

ក្រោយពេលកើតហេតុ សន្តិសុខបានរាយការណ៍ទៅនគរបាលប៉ុស្តិ៍ចោមចៅចុះទៅយកម៉ូតូទៅរក្សាទុក នៅប៉ុស្តិ៍នគរបាលចោមចៅ ៕

ផ្តល់សិទ្ធដោយ កោះសន្តិភាព