តៃវ៉ាន់៖  រូបភាពថ្មីបំផុតមួយ បានបង្ហាញថា រថយន្តតាក់ស៊ីមួយគ្រឿង បានខូចផ្នែកខាងមុខខ្ទេចខ្ទី ស្ទើរតែ ទាំងស្រុង បន្ទាប់ពី ត្រូវបាន ឆាបដោយ ស្លាប យន្តហោះ TransAsia ដែលជួបឧបទ្ទវហេតុ បុកស្ពាន និង ធ្លាក់ចូលក្នុងទឹកទន្លេ កាលពីម្សិលមិញ ប៉ុន្តែអ្វីដែលមិនគួរឲ្យជឿនោះ បុរសម្នាក់ដែលជា  អ្នកបើករថយន្តតាក់ស៊ី  មិនបាន បាត់បង់ជីវិត នោះឡើយ។

រូបភាពដ៏ គួរឲ្យភ្ញាក់ផ្អើលនេះ ត្រូវបានបង្ហោះ ចូលទៅក្នុងបណ្តាញសង្គម បានបង្ហាញឲ្យឃើញ ពីរថយន្តតាក់ស៊ីពណ៌លឿង បានខូតខាតស្ទើរ ទាំងស្រុង នៅផ្នែកខាងមុខ ខណះកញ្ចក់ផ្នែកខាងមុខ បានរបើក ដាច់ចេញពីគ្នាតែម្តង។ អ្វីដែលមិននឹកស្មានដល់ រូបភាពនេះ ក៏បង្ហាញ ឲ្យឃើញថា បុរសជា អ្នកបើករថយន្ត តាក់ស៊ីដ៏សំណាងបំផុតម្នាក់នេះ អាចដើរ ចេញ ពីក្នុងរថយន្ត និង អាចអង្គុយតេ ទូរសព្ទ បានទៀត ។

យ៉ាងណាមិញ ប្រភពព័ត៌មាន បានឲ្យដឹងថា បុរសជាអ្នកបើកតាក់ស៊ី នេះមាន ឈ្មោះ Zhou ក៏បាន រងរបួសត្រង់ ក្បាល តែមិនធ្ងន់ធ្ងរ  និង ត្រូវបាន បញ្ជូន ទៅកាន់ មន្ទីរពេទ្យ ក្រោយពីហេតុការណ៍នេះ បានកើតឡើង ។

គួរបញ្ជាក់ផងដែរថា យន្តហោះ របស់ក្រុមហ៊ុន អាកាសចរណ៏ TransAsia ស្ថិតក្នុងជើងហោះហើរ GE235 ផ្ទុកអ្នកដំណើរ ចំនួន៥៣នាក់ និងក្រុមការងារ នៅលើយន្តហោះ ៥នាក់ ដែលបានចេញដំណើរ ពីអាកាសយានដ្ឋាន សុងសាន ឆ្ពោះទៅកោះ Kinmen បានធ្លាក់ ចូលទៅក្នុង ទឹកទន្លេ Keelung បន្ទាប់ពីហោះបុក ស្ពាន Nanhu ក្នុងទីក្រុងតៃប៉ិ កាលពីវេលា ម៉ោង ១០ និង ៥៤នាទី ព្រឹកមិញនេះ។ ខណៈដែល អ្នក ចំនួនជនរងគ្រោះ ដែលបាន បាត់បង់ជីវិតបាន កើនឡើង ដល់ ៣១ នាក់ និង ១៥នាក់ បានរងរបួស ហើយខណៈ ១២នាក់ ទៀត បានបាត់ខ្លួន នេះ បើយោងតាមប្រភពព័ត៌មាន ចុងក្រោយពី CNN ៕

រូបភាព ពេលកំពុងកើតហេតុ

អ្នកបើកតាកស៊ី (ពាក់អាវពណ៌ប្រផេះ) ដើរចេញពីរថយន្ត ទៅអង្គុយនៅជិតរថយន្តរបស់គាត់

រូបភាពដែលបានបង្ហោះក្នុងបណ្តាញអ៊ីនធើណេតក្រោយកើតហេតុ

ប្រភព CNN | Mirror

ដោយ៖ ទីន

ខ្មែរឡូត