រាជធានីភ្នំពេញ៖ ខណៈពេលមេឃ ភ្លឺស្រាងៗទៅហើយ ស្រាប់តែមានករណី ទុស្សេអគ្គីសនីឆាបឆេះ កុងម៉ា បង្កឲ្យមានការភ្ញាក់ផ្អើលទាំងវេលាម៉ោង ៣និង៥៥នាទីទៀបភ្លឺ ឈានចូលថ្ងៃទី០៥ ខែកុម្ភៈ ឆ្នាំ២០១៥ ក្នុងសង្កាត់ផ្សារដើមថ្កូវ ខណ្ឌចំការមន។

ប្រភពព័ត៌មាននៅកន្លែង កើតហេតុបានឲ្យដឹងថាមុន ពេលកើតហេតុគេឃើញភ្លើងឆាបឆេះ ចេញពីកន្លែងកុងម៉ា ហាងផឹកស៊ីជំនោរ ក្បាលទំនប់ថ្មី១ នៅជាន់ក្រោម ខណៈពេលដែលម្ចាស់ផ្ទះ កំពុងតែដេកលង់លក់មួយភាំង នៅជាន់ទី១នោះផងដែរ។ ប្រភពបន្តថានៅពេលឃើញភ្លើងនៅ តែបន្ត ឆាបឆេះ អ្នកភូមិមានការឆោឡោ ខ្លាចឆេះរាលដាលដល់ ផ្ទះផ្សេងៗទៀត ភ្លាមៗនោះអ្នកភូមិបានរត់ទៅ ដាស់ទ្វារហ៊ាងខាងលើ ហើយនាំគ្នាជួយ យកបំពង់ អគ្គីភ័យមកជួយបាញ់ ទើបរលត់ជាស្ថាពរ ក៏ឃើញរថយន្តពន្លត់អគ្គីភ័យ មកដល់កន្លែងកើតហេតុ។

ចំពោះអគ្គីភ័យខាងលើ នេះគ្រាន់តែបង្កឲ្យខូចខាត មួយចំនួនតែប៉ុណ្ណោះ មិនរាលដាលដល់ផ្ទះអ្នកដទៃនោះទេ៕

ផ្តល់សិទ្ធដោយ កោះសន្តិភាព