គួរឲ្យសរសើរ! អ្នកដំណើររួមគ្នា ជួយស្ត្រីម្នាក់ សំរាលកូន ខណៈពេល ធ្វើដំណើរ នៅលើរថភ្លើង

គួរឲ្យសរសើរ! អ្នកដំណើររួមគ្នា ជួយស្ត្រីម្នាក់ សំរាលកូន ខណៈពេល ធ្វើដំណើរ នៅលើរថភ្លើង

ចិន៖ ស្ត្រីមានផ្ទៃពោះម្នាក់ បានសំរាលកូន នៅកន្លែង ដែលមិនមាន នរណាម្នាក់ នឹកស្មានដល់ គឺនៅលើ រថភ្លើងល្បឿនលឿនមួយ ដែលគ្រានោះទូររថភ្លើង បានប្រែក្លាយ ទៅជាបន្ទប់ សំរាលមួយរយៈ ដោយមានការ ជួយយកអាសារ ពីសំណាក់បុគ្គលិកលើ រថភ្លើង រួមទាំងអ្នកដំណើរផងដែរ។

អ្នកដំណើរកំពុងនាំគ្នាជួយដល់ស្រ្តីម្នាក់ដែលឈឺពោះសំរាលកូនលើរថភ្លើង

យោងតាមប្រភពពី សារព័ត៌មានមួយ បានឲ្យដឹងថា ដំបូងឡើយ ស្ត្រីខាងលើ មានអាការៈមិនស្រួល ហើយបានសំរាល កូននៅលើរថភ្លើងតែម្តង ក្នុងពេល ធ្វើដំណើរពី ទីក្រុង Shenzhen ទៅកាន់ទីក្រុង Xiamen ។ បុគ្គលិកនៅលើរថភ្លើង បានជន្លៀស អ្នកដំណើរប្រុសៗ ទៅម្ខាង ហើយបានធ្វើបន្ទប់សំរាលកូន បណ្តោះអាសន្នមួយ ដោយយក ក្រណាត់មកចងបាំង។ ចំណែកអ្នកដំណើរស្រីៗ ដែលធ្លាប់មានកូន បានមកជួយ ជាជំនួយការ ក្នុងពេល ដំណើរការ សំរាលផងដែរ។

គូសបញ្ជាក់ថា ក្រោយពេលសំរាល បានដោយជោគជ័យ ស្ត្រីរូបនោះ បានឈប់នៅស្ថានីយ៍ Zhangzhou ហើយត្រូវបានគេ បញ្ជូនបន្ត ទៅកាន់មន្ទីរពេទ្យ មួយ នៅក្បែរនោះ៕

ស្រ្តីរូបនោះបានសំរាល កូននៅលើរថភ្លើងដែលធ្វើដំណើរពី ទីក្រុង Shenzhen ទៅទីក្រុង Xiamen

ក្រោយពេលរថភ្លើងឈប់ នាងត្រូវបញ្ជូនបន្តទៅកាន់មន្ទីរពេទ្យក្បែរនោះ