ខេត្តរតនគិរី ៖ ផ្ទះសំណាក់យីហោ «ឆាយ វ៉ាង» មួយកន្លែង ត្រូវអគ្គិភ័យឆាបឆេះបណ្តាលឱ្យ ភ្ញៀវម្នាក់ ស្លាប់ ខណៈកំពុង ស្នាក់នៅក្នុង បន្ទប់លេខ០៣២ ដែលហេតុការណ៍ នេះបង្កឱ្យភ្ញាក់ ផ្អើលកាលពី វេលាព្រឹក ថ្ងៃទី២៩ មករា ២០១៥ នេះ ស្ថិតនៅ ជាប់រង្វង់មូល ទីរួមក្រុង បានលុង ក្នុងភូមិ ជ័យជំនះ សង្កាត់ ឡាបានសៀក ក្រុង បានលុង ខេត្តរតនគិរី ។ ទោះបីជាយ៉ាងណា គេនៅពុំទាន់ ស្គាល់អត្ត សញ្ញាណ ជនរងគ្រោះ នៅឡើយ តែត្រូវគេសង្ស័យថា ជាមនុស្សស្រី ។

បើតាមប្រភពពីម្ចាស់ផ្ទះសំណាក់ឱ្យដឹងថា នៅមុនពេលកើតហេតុ រូបគាត់ឃើញមានផ្សែងហុយ ផ្នែកខាងក្រោយ នៅជាន់ទី២ ទើបមានការ ភ្ញាក់ផ្អើល ឆោឡោ ហើយបាន ទូរស័ព្ទហៅរថយន្ត ពន្លត់អគ្គិភ័យ របស់ស្នងការ នគរបាលខេត្ត ១គ្រឿងជួយ បាញ់ទឹកពន្លត់ ។

ប្រភពបន្តថា ក្នុងហេតុការណ៍អគ្គីភ័យនេះ គឺបណ្តាលមកពីទុស្សេខ្សែភ្លើង ដែលជាអកុសលធ្វើ ឱ្យភ្ញៀវ ម្នាក់ទំនងជា មនុស្សស្រីបាន ឆេះខ្លោចស្លាប់ក្នុងបន្ទប់០៣២ និងមានមនុស្ស ប្រុសម្នាក់ទៀត ដែលស្នាក់ នៅបន្ទប់ជាមួយគ្នា រងរបួស បានរត់ទៅព្យាបាល ដោយខ្លួនឯង ។

ពេលនេះសមត្ថកិច្ចកំពុងស្វែងរកដើម្បីសុំការបំភ្លឺព្រោះថា ហេតុអ្វីពេលភ្លើងឆេះអត់ ជួយរំដោះ ស្ត្រីរងគ្រោះ នោះចេញពី ក្នុងបន្ទប់ដោយរត់ យករួចខ្លួនតែ ម្នាក់ឯងអ៊ីចឹង?

ផ្តល់សិទ្ធដោយ កោះសន្តិភាព