កណ្តាល: ម៉ូតូបុកម៉ូតូ ចំពីក្រោយពេញទំហឹង ស្លាប់ម្នាក់ ខណៈបញ្ជូនទៅ ដល់មន្ទីរពេទ្យ កាលពី ថ្ងៃទី២៣ ខែមករា ឆ្នាំ២០១៥ ត្រង់ចំណុច ភូមិកំពង់ស្វាយ ឃុំកំពង់ស្វាយ ស្រុកកៀនស្វាយ ខេត្តកណ្តាល នៅលើកំណាត់ ផ្លូវលេខ ១១០ ។

បើតាមលោក ព្រុំ សំណាង អធិការរងស្រុក ទទួលផ្នែកចរាចរណ៍ ស្រុកថា បានឲ្យដឹងថា ករណីគ្រោះថ្នាក់ ចរាចរនេះ បង្កឡើង ដោយម៉ូតូស្កុបពី ពណ៌ស ពាក់ស្លាកលេខ ភ្នំពេញ 1CV-8856 បើកបរដោយឈ្មោះ គង់ សុភារិទ្ធ ភេទប្រុស អាយុ ១៥ឆ្នាំ រស់នៅភូមិ ព្រែកទំនប់ ឃុំកំពង់ស្វាយ ស្រុកកៀនស្វាយ ។

លោកអធិការរងស្រុក បានឲ្យដឹងទៀតថា ចំពោះជនរងគ្រោះ មានឈ្មោះ ផន នឿន ភេទស្រី អាយុ៦០ឆ្នាំ ជិះម៉ូតូ កុបជ្រុង ពណ៌ទឹកប៊ិច ពាក់ស្លាកលេខ កណ្តាល 1B-4005 រស់នៅភូមិឃុំ កើតហេតុ ។

លោក ព្រុំ សំណាង បានបញ្ជាក់ថា តាមសាក្សីនៅ កន្លែងកើតហេតុ បានឲ្យដឹងថា ម៉ូតូទាំង២គ្រឿង បើកពីទិសដៅ ស្របគ្នា ពីក្រោមទៅលើ ពេលមកដល់ ចំណុចកើតហេតុ ម៉ូតូគុបជ្រុង បម្រុងកាច់បត់ ចូលទៅផ្ទះ ដែលនៅខាងឆ្វេងដៃ ធ្វើឲ្យម៉ូតូស្កុបពី ដែលបើកពីក្រោយ មានល្បឿនលឿនផង ជាន់ហ្រ្វាំងមិនជាប់ ក៏បានប៉ះម៉ូតូ គុបជ្រុងពីក្រោយ បណ្ដាលឲ្យដួលម៉ូតូ ទាំងពីរ នៅលើផ្លូវថ្នល់លេខ ១១០ ធ្វើឲ្យអ្នកបើក ម៉ូតូគុបជ្រុង របួសធ្ងន់ រហូតដល់ស្លាប់ និងអ្នកបើកម៉ូតូ ស្កុបពីរបួសស្រាល ។ សពជនរងគ្រោះ ប្រគល់ជូន ក្រុមគ្រួសារ យកធើ្វបុណ្យ តាមប្រពៃណី ៕

ផ្តល់សិទ្ធដោយ ដើមអម្ពិល