ព្រះសីហនុៈ នៅថ្ងៃទី២២ ខែមករា ឆ្នាំ២០១៥ នៅឯខេត្តព្រះសីហនុ មានជនបរទេសម្នាក់ បានធ្វើអត្តឃាត សម្លាប់ខ្លួនឯង នៅក្នុងផ្ទះ សំណាក់ GBT4 បន្ទប់លេខ១១១ ស្ថិតនៅក្រុមទី១៧ ភូមិ៤ សង្កាត់៤ ក្រុងព្រះសីហនុ។

ជនបរទេសខាងលើ ត្រូវបានគេស្គាល់ឈ្មោះថា Patrick Charles ភេទប្រុស អាយុ៣០ឆ្នាំ ជនជាតិអាម៉េរិក កាន់ លិខិតឆ្លងដែន លេខ 028864545 បានចូលមកស្នាក់នៅផ្ទះ សំណាក់ខាងលើ កាលពីថ្ងៃទី២១ ខែមករា ឆ្នាំ២០១៥។

បច្ចុប្បន្នសពជនរងគ្រោះត្រូវបានរក្សាទុកនៅផ្ទះសំណាក់ខាងលើ រងចាំនគរបាលបច្ចេកទេស និង គ្រូពេទ្យ ធ្វើកោសល្យវិច្ច័យ រកមូលហេតុ នៃការស្លាប់។

ចំណែកករណីស្លាប់មួយផ្សេងទៀត កើតឡើងនៅថ្ងៃទី២១ ខែមករា ឆ្នាំ២០១៥ ដោយជនជាតិ ហ្វាំងឡង់ម្នាក់ បានសម្លាប់ខ្លួនឯង នៅក្នុងផ្ទះសំណាក់យីហោ ប៉ាប៉ាហ្គាយូ  ស្ថិតក្នុងភូមិ៤ សង្កាត់ ៤ ក្រុងព្រះសីហនុ។

ជនបរទេសខាងលើ ត្រូវបានគេស្គាល់ឈ្មោះថា Henri Juhani  ភេទប្រុស អាយុ៥២ឆ្នាំ ជនជាតិហ្វាំងឡង់ កាន់លិខិតឆ្លងដែនលេខ PP8093451 បានចូលមកស្នាក់នៅផ្ទះសំណាក់ខាងលើ កាលពីថ្ងៃទី១4 ខែធ្នូ  ឆ្នាំ២០១៤។

បច្ចុប្បន្នសពជនរងគ្រោះត្រូវបានរក្សាទុកនៅផ្ទះសំណាក់ខាងលើ រងចាំនគរបាលបច្ចេកទេស និងគ្រូពេទ្យ ធ្វើកោសល្យវិច្ច័យ រកមូលហេតុ នៃការស្លាប់៕

ផ្តល់សិទ្ធដោយ ដើមអម្ពិល