ខេត្តកំពង់ស្ពឺ ៖ ជនសង្ស័យ ជួញដូរគ្រឿងញៀន មួយសំបុក ត្រូវកម្លាំង កងរាជអាវុធហត្ថ ក្រុងច្បារមន ធ្វើការឃាត់ខ្លួនបាន ខណៈពួកគេ កំពុងធ្វើសកម្មភាព កាលពីវេលា ម៉ោង០៨ និង១០នាទីយប់ ថ្ងៃទី១៨ មករា ២០១៥ ស្ថិតនៅ ភូមិក្រាំងពលទេព ក្នុងសង្កាត់រកាធំ ក្រុងច្បារមន ដោយដកហូត ថ្នាំញៀន ១កញ្ចប់ធំ, ប្រដាប់ជក់ និងម៉ូតូ១គ្រឿងផងដែរ ។

ប្រភពបានឱ្យដឹងថា ជនសង្ស័យ ទាំងអស់ មានគ្នា៤នាក់ ១-ឈ្មោះនួន ស្រីភ័ក្រ្ត ភេទស្រី អាយុ៣៥ឆ្នាំ ២-ឈ្មោះឌូ សុវណ្ណ អាយុ១៦ឆ្នាំ ៣-ឈ្មោះម៉ន វន អាតយុ៣២ឆ្នាំ មានទីលំនៅ ភូមិអង្គតាម៉ៅ ឃុំតាំងក្រូច ស្រុកសំរោងទង និង៤-ឈ្មោះឡេង ទី អាយុ១៨ឆ្នាំ មានទីលំនៅ ក្នុងភូមិដី សង្កាត់កណ្តោលដុំ ក្រុងច្បារមន ។

នៅចំពោះមុខសមត្ថកិច្ច ស្ត្រីសង្ស័យ បានសារភាពថា ថ្នាំញៀននេះ ជារបស់ខ្លួន ដែលទើបនឹងទិញមក ពីបុរសម្នាក់ នៅមុខពេទ្យលោក សង្ឃ ដោយក្នុងមួយកញ្ចប់នេះ តម្លៃ១០០ដុល្លារ ។ ក្រោយពីទិញបាន ក៏យកមករំលែក ដើម្បីលក់បន្ត ហើយសល់ប៉ុន្មាន ទុកជក់ខ្លួនឯង ។

ផ្តល់សិទ្ធដោយ កោះសន្តិភាព