ភ្នំពេញៈ នៅវេលាម៉ោង៥ និង ៣៥នាទីល្ងាច ថ្ងៃទី១៥ ខែមករា ឆ្នាំ២០១៥ កម្លាំងអាវុធហត្ថបាន ឃាត់ខ្លួន ជនសង្ស័យម្នាក់  ក្រោយធ្វើសកម្មភាព លួចកាច់ក ម៉ូតូមិនបានសម្រេច កាលពី នៅចំណុចភូមិទ្រា៣ សង្កាត់ស្ទឹងមានជ័យ ខណ្ឌមានជ័យ។

ជនសង្ស័យ ដែលសមត្ថកិច្ច ឃាត់ខ្លួនមានឈ្មោះ  សុខ មករា អាយុ ៣២ឆ្នាំ មុខរបរធ្វើសំណង់ រស់នៅ សង្កាត់ស្រះចក ខណ្ឌដូនពេញ រាជធានីភ្នំពេញ ត្រូវបានឃាត់ខ្លួនពីបទ លួចកាច់ករ ម៉ូតូមិនបានសម្រេច នៅភូមិទ្រា៣ សង្កាត់ ស្ទឹងមានជ័យ ត្រូវបានម្ចាស់ម៉ូតូ ឃើញទាន់ហើយ ក៏ដេញចាប់ ស្របពេល ដែលកម្លាំង ឈរតាមគោលដៅ ស្ទាក់ចាប់ បាននៅមុខវត្តនន្នមុន្នី ក្នុងសង្កាត់ស្ទឹងមានជ័យ។

ម្ចាស់ម៉ូតូត្រូវបានគេស្គាល់ថា ឈ្មោះ ប៊ុត វិចិត្រ អាយុ ៣០ឆ្នាំ រស់នៅភូមិទ្រា៣ ផ្ទះលេខ549 B សង្កាត់ ស្ទឹងមានជ័យ ខណ្ឌមានជ័យ។

ជនសង្ស័យ ត្រូវបានបញ្ជូនខ្លួនទៅ អធិការដ្ឋានអាវុធហត្ថ ខណ្ឌមានជ័យ ដើម្បីធ្វើតាមនីតិវិធី៕

ផ្តល់សិទ្ធដោយ ដើមអម្ពិល