កណ្តាល ៖ កាលពីវេលាម៉ោង ៤និង១០នាទីព្រឹកថ្ងៃទី១៤ ខែមករា ឆ្នាំ២០១៥នេះ មានករណីអគ្គិភ័យ កើតឡើង នៅ លើផ្ទះប្រជាពលរដ្ឋ ចំណុចភូមិជ្រោយតាប៉ា ឃុំគគីរ ស្រុកកៀនស្វាយ ខេត្តកណ្តាល ផ្ទះ២ខ្នង រងការខូចខាត។

សមត្ថកិច្ចបានឲ្យដឹងថា មូលហេតុ នៃការឆាបឆេះ បណ្តាលមកពី ម្ចាស់ផ្ទះឈ្មោះ ខន រិទ្ធា ភេទប្រុស បានអុច ទានបំភ្លឺ នៅកន្លែងហឹងឪពុក ហើយដើរចុះមកខាងក្រោមផ្ទះ ពេលនោះទាន ក៏បានដួល បណ្តាលឲ្យ ឆាបឆេះផ្ទះ របស់ខ្លួន និងឆេះរាលដាល ដល់ផ្ទះមួយទៀត ដែលមាន ម្ចាស់ឈ្មោះ ងុល ច្រឹប ភេទស្រី ខូចខាតទាំងស្រុង ។

លោកនាយប៉ុស្តិ៍ថា មុនដំបូងឡើងឈ្មោះ រិទ្ធា បានអុចធូបអុចទាន ហើយខ្លួនចុះ មកក្រោម ក៏ដួលភ្លើងទាន បណ្តាលមាន អណ្ដាតភ្លើឆាបឆេះតែម្ដង។

លោកថា ផ្ទះទាំង២ខ្នងខាងលើនោះ ឆាបឆេះទាំងស្រុងមិនទាន់សុបទឹកប្រាក់ អស់ប៉ុន្មាននៅ ឡើយទេ។

ក្រោយកើតហេតុព្រះចៅអធិការវត្ត បទុមសុត្ថា ជួយឧបត្ថម្ភថវិកា១០០០០០រៀល និងអង្គរ ៥០គីឡូក្រាម ព្រមទំាង សំភារ:ប្រើប្រាស់ ក្នុងផ្ទះបាយមួយចំនួន ៕

ផ្តល់សិទ្ធដោយ ដើមអម្ពិល