កណ្តាលៈ បុរសម្នាក់ បានស្លាប់ភ្លាមៗ នៅនឹងកន្លែងកើតហេតុ និងម្នាក់ទៀត របួស ស្រាល ខណ:ជិះម៉ូតូ រេចង្គូតបោកដួលថ្នល់ កាលពីថ្ងៃទី១៣ ខែមករាឆ្នាំ២០១៥ វេលាម៉ោង១៩ និង ៥០នាទី នៅលើកំណាត់ ផ្លូវជាតិលេខ១ ចន្លោះគីឡូម៉ែត្រ លេខ២៧-២៨ ស្ថិតនៅភូមិខ្សុំ ឃុំបន្ទោយដែក ស្រុកកៀនស្វាយ ខេត្តកណ្តាល ។

តាមប្រភពសាក្សី បានឃើញហេតុការណ៍និយាយថា ជនរងគ្រោះ ជិះម៉ូតូម៉ាកសេ១០០ ស៊េរី១៩៩៩ លេខ ឃ.១០៧០-ក.ច១ ពណ៌ក្រហម បាន ធើ្វដំណើរ ពីអ្នកលឿង ឆ្ពោះទៅភ្នំពេញ មកដល់ ត្រង់ ចំណុច កើតហេតុ ក៏រ៉េចង្គូតដួលបោក នឹងថ្នល់ បណ្តាលស្លាប់ម្នាក់ និងរបួសស្រាលម្នាក់ ។

បើតាមលោក ប៉ា សំអិត អធិការស្រុកកៀនស្វាយ បានឲ្យដឹងថា ជនរងគ្រោះមានឈ្មោះ លឹមសាមិត្ត ភេទ ប្រុស អាយុ៥២ឆ្នាំ និងម្នាក់ទៀតមានឈ្មោះ លឹម វសនា ភេទប្រុស អាយុ ២៦ឆ្នាំ ត្រូវជាកូន រស់នៅ ភូមិកំពង់ចំលង ឃុំព្រែកទម្លាប់ ស្រុកលើកដែក ខេត្តកណ្តាល។

ក្រោយកើត ហេតុសាកសពត្រូវបាន សមត្ថកិច្ចប្រគល់ជូនក្រុមគ្រួសារយកទៅធើ្វបុណ្យ។ ចំពោះ ជនរងគ្រោះ ត្រូវបានបញ្ចូនទៅសង្គោះ នៅមន្ទីរពេទ្យ ៕

ផ្តល់សិទ្ធដោយ ដើមអម្ពិល