ឥណ្ឌា ៖ នេះជាអំពើមួយដ៏ឃោរឃៅ និង ព្រៃផ្សៃជាទីបំផុត ដែលឪពុក និង កូនប្រុស យកដុំថ្ម គប់លើកូនស្រី រហូតដល់ស្លាប់ នៅនឹងកន្លែង ព្រោះតែខឹងនាង ទាក់ទងជាមួយបុរសម្នាក់ ដែលរស់នៅក្នុងភូមិផ្សេងគ្នា។

នារីវ័យ ១៩ ឆ្នាំ ឈ្មោះ Khan ត្រូវបានមិត្តភក្តិ ប្រទេះឃើញសាកសពនាង ដេកនៅលើថ្លុកឈាម ក្នុងចំការ ក្បែរផ្ទះរបស់នាង ដែលស្ថិតនៅក្នុង រដ្ឋ Uttar Pradesh ភាគខាងជើង ប្រទេសឥណ្ឌា កាលពីពេលកន្លងទៅថ្មីៗនេះ។ ក្នុងនោះដែរ ដំនើរការស៊ើបអង្កេត ពីករណីឃាតកម្មនេះ អ្នកជំនាញបានឲ្យដឹងថា នារីរងគ្រោះ ត្រូវបានឪពុក និង បងប្រុងបង្កើតអូស ទៅកន្លែងកើតហេតុ ព្រោះតែខឹងនាង លួចទាក់ទងបុរស ដែលនៅភូមិផ្សេងគ្នា។ លោកបានបន្តទៀតថា បន្ទាប់ពីនារីរងគ្រោះ ត្រូវបានពួកគេគប់នឹងដុំថ្ម រួចមក ក៏ចង.កនាង សម្លាប់តែម្តង។ ប៉ុន្តែ អ្វីដែលជាលក្ខណៈគួរឲ្យកត់សម្គាល់នោះ គឺពួកគេបានធ្វើឲ្យនាង របួសមុខ និង ខ្លួនកាន់តែធ្ងន់ធ្ងរទៀត ដើម្បីកុំឲ្យមានគេមើលស្គាល់ថា ជនរងគ្រោះជានរណា។

យ៉ាងណាមិញ ជនសង្ស័យ ទាំងពីរនាក់ ត្រូវបាននាំខ្លួនមកសួរចម្លើយ ដោយក្នុងនោះ ជនសង្ស័យ ជាបងប្រុស របស់នារីរងគ្រោះ បានអះអាងថា សង្សារបស់នាងជាអ្នកសំលាប់ទៅវិញ។ ទោះជាយ៉ាងណា ការពិតបានលាតត្រដាង ក្រោយពេល ដែលប៉ូលីសធ្វើការ សួរចម្លើយ ជនសង្ស័យជាឪពុក ដោយបានឆ្លើយថា ពួកគេបានសំលាប់នាង ព្រោះតែនាង ស្រលាញ់បុរសម្នាក់ រស់នៅភូមិជិតគ្នា។

ចំនែកឯបងប្រុស ម្នាក់ទៀត របស់នារីរងគ្រោះ បាននិយាយដោយ មិនខ្វល់អ្វីទាំងអស់ថា ៖ “ខ្ញុំមិនមានការ សោកស្តាយ ឫ ភ្ញាក់ផ្អើលអ្វីទាំងអស់ ដែលប្អូនស្រី របស់ខ្ញុំស្លាប់។ ប្រសិនបើ រឿងនោះជាការពិត នោះខ្ញុំក៏មិនភ្ញាក់ផ្អើលថា ឪពុក និង បងប្រុសខ្ញុំ សំលាប់នាងដែរ”៕

នារីរងគ្រោះ (ឆ្វេង) ឪពុក (កណ្តាល) បងប្រុស (ស្តាំ)

ចុះប្រិយមិត្តយល់យ៉ាងណាដែរ?

ប្រភព ៖ ដេលីម៉ែល

ដោយ ៖ ណា

ខ្មែរឡូត