ភ្នំពេញ៖ តាមរយៈរូបថត ៤សន្លឹក ដែលបាន បង្ហាញពីទិដ្ឋភាព កាលពីសម័យមុន គឺចន្លោះ ឆ្នាំ១៩០០ នៅរាជធានីភ្នំពេញ បានលិចទឹកនៅ តំបន់មួយចំនួន នៅពេលដែលមាន ភ្លៀងធ្លាក់មកម្តងៗ។

នាសម័យនោះ ខ្មែរបានស្ថិតនៅ ក្រោមការគ្រប់គ្រង របស់បារាំងនៅឡើយ ហើយការដាក់ លូបង្ហូរទឹក ក៏បារាំងជាអ្នក រៀបចំដែរ ដែលសម័យនោះ លូមានលក្ខណៈ តូចទើបធ្វើឲ្យទឹក មិនអាចហូរលឿន និងទាន់ពេលវេលា ដែលជាហេតុ ធ្វើឲ្យទឹកជន់ លិចតែម្តង។

តាមរយៈរូបភាព ៤សន្លឹកបង្ហោះ លើទំព័រហ្វេសប៊ុក របស់សាលា រាជធានីភ្នំពេញ បានឲ្យដឹងថា ទឹកដែលជន់ លិចនោះ គឺស្ថិតនៅចំណុច សំខាន់របស់ក្រុង ដែលមាន ទីតាំងរមណីយដ្ឋានវត្តភ្នំ ស្ពានជ្រោយចង្វា លំនៅឋានរបស់ មន្រ្តីជាន់ខ្ពស់បារាំង។

សម័យបច្ចុប្បន្ន នារាជធានីភ្នំពេញ ឲ្យតែមានភ្លៀង ធ្លាក់មកម្តងៗ គឺទឹកបានជន់ លិចធ្វើឲ្យប្រជាពលរដ្ឋ មានការរអ៊ូរទាំ ក្នុងការធ្វើដំណើរ ទៅវិញទៅមក ដែលជាហេតុធ្វើ ឲ្យសាលាក្រុងសហការ ជាមួយអង្គការ ចៃការបស់ ប្រទេសជប៉ុន ដើម្បីរៀបចំប្រព័ន្ធ លូសាជាថ្មី ដោយបានដាក់ លូធំៗក្នុងការ បញ្ជៀសទឹក៕

ផ្តល់សិទ្ធដោយ ដើមអម្ពិល