ចិន៖ ថៅកែស្រីវ័យក្មេង មានអាយុ ទើបតែ ២១ឆ្នាំម្នាក់ បានចាប់បើក ក្រុមហ៊ុនលក់ផលិតផល តាមបណ្តាញ អនឡាញ ក្នុងទីក្រុង Qingdao ខេត្ត Shadong ប្រទេសចិន ក្នុងពេលថ្មីៗនេះ។ តាមប្រភពព័ត៌មាន បានឲ្យដឹងថា នាងហ៊ានផ្តល់ ឡានទំនើប BMW បួនគ្រឿង ទៅដល់បុគ្គលិកឆ្នើមបួននាក់ សំរាប់ជា រង្វាន់លើកទឹកចិត្ត ចុងឆ្នាំ ទៀតផង ។

ប្រភពដដែល លើកឡើងថា ថៅកែស្រី វ័យ ២១ឆ្នាំ ម្នាក់នេះ មានឈ្មោះ Niu Mudong  បានបង្កើតការលក់  ផលិតផលថែរក្សា ស្បែក  ស្រកទម្ងន់ និង ថែរក្សាសុខភាព មួយប្រភេទ ខណៈដែលនាង កំពុងតែសិក្សា នៅសាកលវិទ្យាល័យមួយ នៅសហរដ្ឋអាមេរិក។ រីឯ ក្រុមហ៊ុនអាជីវកម្ម តាមអនឡាញ នៅប្រទេសចិន របស់នាង នៅក្នុងខេត្ត Shadong នេះ បានទទួលការ ចាប់អារម្មណ៍ច្រើន ពីបណ្តា និស្សិត សាកលវិទ្យាល័យ ដែលចង់បាន បទពិសោធន៍ ធ្វើការងារបែបជំនួញ ក្នុងពេលទំនេរពីការសិក្សា និង ចង់រកប្រាក់សំរាប់ បង់ការសិក្សារបស់ ពួកគេជាដើម ។

ក្នុងនោះ ថៅកែស្រីវ័យក្មេង រូបនេះ ប្រាប់ឲ្យដឹងថា ចំនូលប្រចាំខែ ពីក្រុមការងារ របស់នាង កើនឡើងរហូតដល់ ប្រមាណ ២០ លានយ័ន ឬស្មើនឹងជាង ៣លានដុល្លារអាមេរិក ក្នុងរយៈពេល ត្រឹមតែ ២ឆ្នាំ។ នាងបានបន្តថា បុគ្គលិកឆ្នើម ទាំង៤ នាក់នោះ គឺជា និស្សិតសាកលវិទ្យាល័យ ទាំងអស់ ដែលមានអាយុ ត្រឹមចន្លោះពី ១៩ដល់ ២២ឆ្នាំប៉ុណ្ណោះ ប៉ុន្តែ ម្នាក់ៗ អាចរកចំនូល ប្រចាំឆ្នាំ ឲ្យក្រុមហ៊ុន ច្រើនជាង ១០ លានយ័ន ឯណោះ ៕

ថៅកែស្រី វ័យ ២១ឆ្នាំ កញ្ញា Niu Mudong


បុគ្គលិកឆ្នើមទាំង ៤នាក់ ទទួលបានរថយន្ត BMW ម្នាក់ៗមួយគ្រឿង

ប្រភព shanghaiist

ដោយ៖ ទីន

ខ្មែរឡូត