យើងរាល់គ្នា សុទ្ធតែបានដឹងហើយថា សុរា ជាគ្រឿងស្រវឹង និង មានជាតិអាល់កុល ដែលមិន ត្រឹមតែអាច ធ្វើឲ្យប៉ះពាល់សុខភាពប៉ុណ្ណោះទេ តែថែមទាំងអាច បង្កឲ្យមាន គ្រោះថ្នាក់ចរាចរណ៍ ទៀតផង បើសិនណា ការទទួលទាន មានចំនួនច្រើន លើសកំណត់ និង មិនមានទំនួលខុសត្រូវទេនោះ។

យ៉ាងណាមិញ បើយើងក្រឡេកមកមើល រូបថតមួយសន្លឹក ដែលត្រូវបានអ្នកលេង ហ្វេសប៊ុក បង្ហោះ បានបង្ហាញពីសកម្មភាព របស់ក្មេងៗ មួយក្រុម បាននឹងកំពុងអង្គុយផឹកស៊ី ក្លែមសាច់ យ៉ាងសប្បាយ ដោយពួកគេ អាចនឹងមិន បានដឹងទេថា គ្រឿងស្រវឹង វាអាចប៉ះពាល់ ដល់រាងកាយ និង សុខភាព កំរិតណា ជាពិសេស ក្នុងវ័យដែលមិនទាន់ គ្រប់អាយុ នេះទៀតសោត។ ក្មេងៗ មានភាពវ័យឆ្លាត និង ឆាប់ចាប់បាន នូវរាល់ទង្វើ របស់មនុស្សធំ ដូចជា ឪពុកម្តាយ បងប្អូន សាច់ញាតិ របស់គេខ្លាំងណាស់ ហេតុនេះហើយ នៅពេលដែល ពួកគេ ឃើញ ឬ លឺ ពួកគេ នឹងឆាប់ធ្វើតម្រាប់ ទៅតាមហ្នឹងដែរ។

ទោះជាយ៉ាងណា នេះគ្រាន់តែជា សារមួយ ដែលចង់បង្ហាញពី ផលអវិជ្ជមានមួយចំនួន ពាក់ព័ន្ធទៅនឹងគ្រឿងស្រវឹងប៉ុណ្ណោះ។ ម្យ៉ាងវិញទៀត ក្រសួងព័ត៌មាន ធ្លាប់បានចេញសារាចរណែនាំ រួចមកហើយ ស្តីពីការ «ផ្សាយពាណិ្ជកម្មគ្រឿងស្រវឹង» និង បានព្រមាន ដកហូតអាជ្ញាប័ណ្ណ ស្ថានីយ៍ទូរទស្សន៍ ផ្សាយគ្រឿងស្រវឹងបំពាន សារាចរ ទៀតផង៕

ក្មេងៗមួយក្រុមកំពុងជួបជុំគ្នា ផឹកស្រា និង ស្រាបៀរ (រូបភាព: ហ្វេសប៊ុក)

ដោយ សី

ខ្មែរឡូត