ភ្នំពេញ៖ កាលពីថ្មីៗនេះ នៅលើបណ្តាញសង្គម ហ្វេសប៊ុក ហាក់ដូចជា កក្រើកយ៉ាងខ្លាំង ដោយអ្នកលេងជាច្រើន ធ្វើការវែកញែក ពាក់ព័ន្ធនឹងរូបភាពមួយសន្លឹក ដែលបង្ហាញពី ការជ្រុះបាត់បង់តំណែង ជា Coach ក្នុងកម្មវិធី The Voice Cambodia របស់កញ្ញា ពេជ្រ សោភា ជំនួសវិញដោយ តារាចម្រៀង ដំបូលផលិតកម្ម តែមួយ លោក ព្រាប សុវត្ថិ ។

ទោះជាយ៉ាងណា ក៏ដោយ មានអ្នកលេង មួយចំនួន បានទម្លាយឲ្យដឹង ដើម្បីបំបាត់ចម្ងល់ថា នេះគ្រាន់តែជា ការ Design មិនផ្លូវការ របស់នរណាម្នាក់ តែប៉ុណ្ណោះ ដោយសារ ម្ចាស់ឧបត្ថម្ភផ្តាច់មុខ របស់កម្មវិធីនេះ គឺផ្លាស់ប្តូរ ទាំងស្រុង ជាហេតុដែលគេសន្និដ្ឋានថា វាមិនមែនជាការពិត ដែលថា ពេជ្រ សោភា ជ្រុះតំណែងជា Coach ក្នុងកម្មវិធី The Voice នោះទេ ខណៈទំព័រហ្វេសប៊ុក ដែលបង្ហោះ រូបភាពនេះ ទៀតសោត ពុំមែនជាទំព័រហ្វេសប៊ុក ផ្លូវការ របស់ The Voice Cambodia នោះដែរ។

គួរបញ្ជាក់ផងដែរថា នេះអាចជាមេរៀនមួយ ដែលឆ្លុះបញ្ចាំងពី អ្នកលេងហ្វេសប៊ុក មួយចំនួនធំ ហាក់ដូចជា ផុសផុល និងប្រតិកម្មរហ័ស ចំពោះការបង្ហោះ ណាមួយ ដូចនេះហើយ យើងគប្បីពិនិត្យឲ្យច្បាស់ សឹមវាយតម្លៃតាមក្រោយ៕

រូបភាពមិនផ្លូវការ រដូវកាលថ្មី ដែលអ្នកលេងហ្វេសប៊ុក បង្ហោះចែកចាយ (ប្រភព ហ្វេសប៊ុក)

រូបភាពផ្លូវការ រដូវកាលទីមួយ

មតិខ្លះៗ ពីអ្នកលេងហ្វេសប៊ុក

តើចង់ឃើញម្នាក់ណាជាង នៅរដូវកាលទី ២?

កញ្ញា ពេជ្រ សោភា ដដែល!ដូររសជាតិ លោក ព្រាប សុវត្ថិ វិញ!

VoteView ResultsPolldaddy.com

ខ្មែរឡូត