ថាម៉េច! នាយ ចយ រៀបការហើយ?

ថាម៉េច! នាយ ចយ រៀបការហើយ?

រូបថតប៉ុន្មានសន្លឹក ដែលអ្នកប្រើប្រាស់បណ្ដាញសង្គម Facebook បង្ហោះតៗគ្នានៅព្រឹកនេះ ពិតជាបានបង្កើតឲ្យមានការភ្ញាក់ផ្អើលជាខ្លាំង ខណៈគ្រប់គ្នាយល់ថានាយ ចយ ដែលជាសមាជិកក្រុមកំប្លែងរបស់នាយ ក្រឹម រៀបអាពាហ៍ពិពាហ៍កាលពីពេលថ្មីនេះ ថែមទាំងមានភរិយាស្អាតទៀតផង។

នាយ ចយ ពិតប្រាកដ

គេសង្កេតឃើញថា មានការជជែកគ្នាបែកផ្សែងពីរូបថតទាំងនេះ ដោយអ្នកខ្លះលើកឡើងថា ជារឿងពិត ចំណែកប្រិយមិត្តអះអាងថា មិនមែនជានាយ ចយ នោះទេ ដោយគ្រាន់តែមានរូបរាងស្រដៀងគ្នាប៉ុណ្ណោះ។

ប៉ុន្តែយ៉ាងណា ដើម្បីបញ្ចប់មន្ទិលសង្ស័យទាំងនេះ សាមីខ្លួនផ្ទាល់ នាយ ចយ បាននិយាយអមដោយភាពភ្ញាក់ផ្អើលថា រូបគេមិនដែលបានរៀបការអ្វីនោះទេ ជារឿងមិនពិតឡើយ ព័ត៌មាននេះទើបទទួលបានប៉ុណ្ណោះ។” ខ្ញុំអញ្ចឹង! នរណាគេយកជាប្ដីនោះ ចេះតែមានហើយ”។ នាយបញ្ជាក់ទាំងសើចកក្អឹក។

គូស្នេហ៍ដែលគេយល់ច្រឡំថា ជានាយ ចយ

ទោះបីជាយ៉ាងណា តារាកំប្លែងខាងលើ បានស្នើកុំឲ្យមានការយល់ច្រឡំអីដោយហេតុផលថា មនុស្សមានលក្ខណៈស្រដៀងគ្នាគគោក ជារឿងធម្មតាទៅហើយសម្រាប់រឿងនេះ។ “គ្រាន់តែថា គេមានសំណាងជាងខ្ញុំ អាចមានឱកាសការប្រពន្ធមុនតែប៉ុណ្ណឹង”។

នាយបញ្ជាក់ថា មិនទាន់គិតគូរពីរឿងស្នេហាអ្វីនោះទេ ហើយក៏មិនប្រាកដថា មានអ្នកស្រលាញ់នោះដែរ រង់ចាំមើលពេលវេលាសមរម្យសិន ឬអាចនិយាយបានថា រកឃើញអ្នកស្រលាញ់គ្នាដោយមិនគិតពីសម្រស់ជាបញ្ហាចម្បងពេកនោះ៕

ប្រភព Sabay

មុន បន្ទាប់

មតិយោបល់