ខេត្តកំពង់ឆ្នាំង ៖ យុវជនម្នាក់បាន ស្លាប់ភ្លាមៗនៅនឹង កន្លែងកើតហេតុ ក្នុងហេតុការណ៏ គ្រោះថ្នាក់ចរាចរណ៏មួយ ដែលកើតឡើង នៅវេលាម៉ោង ១១ព្រឹក ថ្ងៃទី១០ មករា ២០១៥ នៅលើកំណាត់ ផ្លូវគ្រួសក្រហម ចំណុចផ្លូវបែកជា៣ ស្ថិតក្នុងភូមិត្រពាំងក្រវ៉ាន់  ឃុំជ្រៃបាក់ ស្រុករលាប្អៀរ ខណៈជនរងគ្រោះ ជិៈម៉ូតូលឿនចាប់ហ្វ្រាំង ដួលចូលក្រោមកង់ គោយន្តកន្ត្រៃ ដឹកអុស កំពុងបើកបត់ កាត់ទទឹងពី មុខម៉ូតូ ។

មន្ត្រីនគរបាល ចរាចរណ៍ស្រុករលាប្អៀរ បានឱ្យដឹងថា មុនពេលកើតហេតុ យុវជនម្នាក់ឈ្មោះ ទូច សុខុន អាយុ២៧ឆ្នាំ មានទីលំនៅឃុំជ្រៃបាក់ ស្រុករលាប្អៀរ បានជិះម៉ូតូម៉ាក ឌ្រីមC១២៥ ពណ៌ខ្មៅ ពាក់ស្លាក លេខ កណ្តាល 1B.3987  បើកក្នុងដំណើរពីកើតទៅលិចក្នុងល្បឿន លឿន លុះពេលមកដល់ ចំណុចកើតហេតុ ជាផ្លូវបំបែក ស្រាប់តែមានគោយន្ត ដឹកអុសមួយគ្រឿង បើកបរដោយឈ្មោះ ឆន សារ៉ាន់ អាយុ២៥ ឆ្នាំ មានទីលំនៅភូមិ ចំបក់ប្រាសាទ ឃុំក្រាំងស្គា ស្រុកទឹកផុស បានបត់ឆ្វេង កាត់ទទឹងពីមុខម៉ូតូ ជនរងគ្រោះ ភ្លាមនោះជនរងគ្រោះ ជាន់ ហ្វ្រាំង ទាំងបង្ខំ ធ្វើឱ្យម៉ូតូដួល ហើយខ្ទាតជនរងគ្រោះ បោកដួលចូលក្រោម រ៉ឺម៉កគោយន្តដឹកអុសបណ្តាល ឱ្យកិនស្លាប់ភ្លាមមួយ រំពេចន៍នៅកន្លែង កើតហេតុ ។ 

ក្រោយពេល កើតហេតុ គោយន្តបង្ក មិនបានឈប់ទេ បានបើកគេចរហូត ជិតដល់ភូមិព្រះរាមរង្សីទើប នគរបាលចាប់បាន ៕ 

ម៉ូតូជនរងគ្រោះ


ជនរងគ្រោះដែល ត្រូវគោយន្តកិនស្លាប់

គោយន្តដឹកអុសកិនជនរងគ្រោះស្លាប់

ផ្តល់សិទ្ធដោយ កោះសន្តិភាព