រាជធានីភ្នំពេញ ៖ មានហេតុការណ៍គ្រោះថ្នាក់ចរាចរណ៍មួយបានកើតឡើង បន្ទាប់ពីរថយន្តម៉ាកឡិច ស៊ីស RX 300 មួួយគ្រឿង បានបើក បុក ម៉ូតូម៉ាក Today ជិះដោយយុវសិស្ស ២នាក់ ក្នុងនោះរងរបួស ធ្ងន់ម្នាក់ រួចក៏ជ្រុលទៅ បុកបង្គោលភ្លើង បាក់មួយដើមទៀត បណ្តាលជាប់ ជាមួយ រថយន្ត កាលពីវេលា ម៉ោង០៩ និង១០នាទីព្រឹក ថ្ងៃទី១០ មករា ២០១៥ នេះ ស្ថិតនៅចំណុច ផ្លូវណតប្រ៊ីត មុខស្ថានីយទូរទស្សន៍ អាស៊ីអាគ្នេយ៍ ក្នុង ភូមិត្រែងរលើង សង្កាត់ទឹកថ្លា ខណ្ឌសែនសុខ ។

ប្រភពបានឱ្យដឹងថា អ្នកបើកបររថយន្តឈ្មោះប៊ុន វាសនា អាយុ២៧ឆ្នាំ មានទីលំនៅក្នុងភូមិសំបួរ សង្កាត់ ដង្កោ ខណ្ឌដង្កោ ជិះរថយន្តម៉ាក ឡិចស៊ីស ពណ៌ស្ករ ពាក់ស្លាកលេខ 2W-1571 ។ ចំណែកក្មេងប្រុស រងគ្រោះទាំង២នាក់ មិនត្រូវបានស្គាល់ អត្តសញ្ញាណនោះ ទេ ជិះម៉ូតូ ម៉ាកToday ពណ៌ក្រហម ពាក់ស្លាកលេខ1CL-8667  ។

ប្រភពបន្តថា មុនពេលកើតហេតុ គេឃើញរថយន្តឡិចស៊ីសធ្វើដំណើរពីទិសខាងជើង ទៅត្បូង លុះមក ដល់ចំណុចកើតហេតុ ក៏មានម៉ូតូ ៥-៦ គ្រឿងជិះប្រុងបត់ ត្រឡប់ក្រោយ ពេលនោះរថយន្តទាញ ចង្កូតអត់ទាន់ក៏បុក ម៉ូតូមួយគ្រឿង និងបុកបង្គោលភ្លើងបាក់ ជាប់ជាមួយ រថយន្ត បណ្តាលឱ្យក្រពិត ផ្នែកខាងមុខយ៉ាងដំណំ ៕

ផ្តល់សិទ្ធដោយ កោះសន្តិភាព