រាជធានីភ្នំពេញ ៖ យុវជនម្នាក់ បានត្រូវប៉ូលិស សង្កាត់ឃ្មួញ ឃាត់ខ្លួន ពីបទ ចាប់រំលោភ ទៅលើក្មេងស្រី អនីតិជន តែមិនបានសម្រេច បំណង ។

ហេតុការណ៍ឃាត់ខ្លួន ជនសង្ស័យ ខាងលើនេះ បានធ្វើឡើង នៅម៉ោង១រសៀល ថ្ងៃទី០៧ មករា ២០១៥ នៅក្នុងផ្ទះជួល សង់ថ្មី មួយកន្លែង ស្ថិតនៅតាម ផ្លូវបេតុង ក្នុងភូមិបន្លាស្អិត សង្កាត់ឃ្មួញ ខណ្ឌសែនសុខ ។

បើតាមអ្នកឆ្លើយឆ្លង ព័ត៌មានកោះសន្តិភាព បានស្រង់សម្តី ប៉ូលិសមូលដ្ឋាន បញ្ជាក់ឲ្យដឹងថា មុនពេលកើតហេតុ ក្មេងស្រីអាយុ៦ឆ្នាំ បានអូសរទេះ ដឹកឥដ្ឋ កាត់តាមបន្ទប់ទឹក នៃទីតំាង សំណង់ថ្មី ខាងលើ ស្រាប់តែ ជនសង្ស័យ ឈ្មោះ កែវ ចិត្រា អាយុ២៣ឆ្នាំ ដែលស្គាល់ ជនរងគ្រោះ បានហៅជនរងគ្រោះ ចូលបន្ទប់ទឹក រួចចាប់រំលោភ សេពសន្ថវៈ ។

សេចក្តីរាយការណ៍ បានបន្តថា លុះពេល បាត់កូនស្រី យូរពេក មិនឃើញ អូសរទេះ ត្រឡប់មកវិញ ម្តាយក្មេងស្រី រងគ្រោះ ក៍បានដើររក ក៍ប្រទះឃើញ ជនសង្ស័យ កំពុងចាប់រំលោភ ក៍ស្រែក ឆោឡោឡើង និងបានទៅ បា្រប់ប៉ូលិសប៉ុស្តិ៍ ឃាត់ខ្លួនភ្លាមៗ តែម្តង ។

បច្ចុប្បន្នជនសង្ស័យ កំពុងត្រូវបាន ឃុំខ្លួន នៅក្នុងអធិការដ្ឋាន នគរបាល ខណ្ឌសែនសុខ រង់ចំាកសាង សំណុំរឿង បញ្ជូនទៅ សាលាដំបូង ចាត់ការ តាមច្បាប់ ៕

ជនសង្ស័យ

ផ្តល់សិទ្ធដោយ កោះសន្តិភាព