ចិន៖ ក្មេងប្រុសអាយុ៧ឆ្នាំ បានសំរេចចិត្ត បើកម៉ូតូកង់បី ដោយខ្លួនឯង ធ្វើដំណើរ ទៅដឹកឪពុក ដែលស្រវឹងជោគជាំ ត្រលប់ មកផ្ទះវិញកាលពី យប់ថ្ងៃអង្គារ នៅទីប្រជុំជន Yizhou ដែលស្ថិតនៅ តំបន់ស្វយ័ត Guangxi Zhuang។

សាក្សីដែលឃើញ ក្មេងប្រុសខាងលើ បានឲ្យដឹងថា ក្មេងតូចនេះ បានបើកម៉ូតូកង់បី ចំងាយជាង ២០ គីឡូម៉ែត្រ ដើម្បីទៅទទួល យកឪពុករបស់គេ ដែលស្រវឹងលេងដឹងអី ក្រោយផឹកស៊ី ពេញមួយយប់។

អ្នកប្រើប្រាស់ អ៊ីនធើណិតភាគច្រើន បានសរសើរដល់ ការអត់ធ្មត់របស់ក្មេងនេះ និងចាត់ទុកថា គេជាកូន ប្រុសដ៏ល្អ ដែលនឹងអាចជោគជ័យមួយរូប ចំនែកឯអ្នកខ្លះទៀតរិះគន់ថា មិនគួរគាំទ្រ ព័ត៌មានបែបនេះទេ ខ្លះទៀតនិយាយថា វាមិនមែនជា លើកទីមួយនោះទេ ដែលគេឃើញក្មេង តូចៗ បើកម៉ូតូនោះ៕ ចុះប្រិយមិត្ត ខ្មែរឡូត យល់យ៉ាងណាទៅវិញដែរ?

ក្មេងប្រុសអាយុ៧ ឆ្នាំបើកម៉ូតូកង់បីទៅដឹកឪពុកស្រវឹងមកផ្ទះ


រឿងរ៉ាវនេះកើតនៅទីប្រជុំជន Yizhou ដែលស្ថិតនៅ តំបន់ស្វយ័ត Guangxi Zhuang


មនុស្សមួយចំនួនសរសើរចំពោះភាពអង់អាចរបស់ក្មេងនេះ ខណៈខ្លះទៀតគិតថាវាជារឿងសាមញ្ញ

ប្រភព៖ បរទេស

ដោយ៖ Roth

ខ្មែរឡូត