អាមេរិក៖ Bill Gates ចូលចិត្តលាមក នេះគឺជា អ្វីដែលស្ថាបនិកក្រុមហ៊ុន Microsoft រូបនេះបានប្រាប់ ឲ្យដឹងតាមរយៈវីដេអូ បង្ហាញពី ម៉ាស៊ីន ថ្មីមួយរបស់គាត់ ដែលអាចប្រែក្លាយ កាកសំណល់ លាមកមនុស្ស ទៅជាទឹក សំរាប់ទទួលទាន។

ក្នុងដំណើរ ទស្សនកិច្ចកាល ពីខែវិច្ឆិកា ដើម្បីទៅពិនិត្យ មើលរោងចក្រ ចំរាញ់លាមក ឈ្មោះ Janicki Omniprocessor មហាសេដ្ឋី ចិត្តធម៌រូបនេះ បានពិពណ៌នានៅលើ ប្លុករបស់គាត់ថា៖ “ទឹកនេះមានរសជាតិឆ្ងាញ់ ដូចទៅនឹងទឹកដប ដែលខ្ញុំផឹកដែរ។ ក្រោយពីសិក្សាពី បច្ចេកវិទ្យាច្រោះវាមក ខ្ញុំរីករាយនឹងផឹកទឹកនេះរាល់ថ្ងៃ។ វាជាទឹកមានសុវត្ថិភាព” ។

លោក Gates ប្រាប់ថា ម៉ាស៊ីននេះអាច ផលិតជាទឹកស្អាត និងថាមពលអគ្គីសនី បានដំណាលគ្នា សំរាប់ប្រទេសកំពុងអភិវឌ្ឍន៍ ដែលមិនមានប្រព័ន្ធបង្ហូរលូ ទំនើប។ លោកបន្ថែមថា ម៉ាស៊ីននេះ អាចបំលែង កាកសំណល់បញ្ចេញចោល របស់មនុស្ស ១០០,០០០ នាក់ ឲ្យទៅជាទឹកស្អាត ញ៉ាំបាន ចំណុះ ៨៦,០០០ លីត្រ និងអគ្គីសនី ២៥០ វ៉ាត់។

មហាសេដ្ឋីជនជាតិ អាមេរិករូបនេះ បានបង្ហោះវីដេអូ បង្ហាញពី សកម្មភាពគាត់ កំពុងផឹកទឹក ដែលចំរាញ់រួចមួយកែវ ដែល៥នាទីមុនពេលចម្រោះ វាគ្រាន់តែជាគំនរលាមក របស់មនុស្ស។ “វាគឺជាទឹក!” លោកបញ្ជាក់ ជាមួយនឹងកាយវិការ ភ្ញាក់ផ្អើលក្រោយពីបាន ភ្លក់វាលើកដំបូង៕

ម៉ាស៊ីនដ៏ធំនៅក្នុងរោងចក្របំលែងលាមកមនុស្សទៅជាទឹកស្អាត


លាមក មនុស្ស ១០០,០០០ នាក់អាចបំលែងជាទឹកស្អាត ចំណុះ ៨៦,០០០លីត្រ និងអគ្គីសនី ២៥០វ៉ាត់


លោក Gates កំពុងទទួលទានទឹក ដែលមុននេះ ៥នាទីវាគឺជាលាមករបស់មនុស្ស

ប្រភព៖ បរទេស

ដោយ៖ Roth

ខ្មែរឡូត