អីយ៉ាពិតមែនឬ…សេវារថយន្តក្រុងគ្រោងបញ្ចុះតម្លៃពិសេសដល់សិស្ស និងមនុស្សចាស់?

អីយ៉ាពិតមែនឬ…សេវារថយន្តក្រុងគ្រោងបញ្ចុះតម្លៃពិសេសដល់សិស្ស និងមនុស្សចាស់?

សេវារថយន្តក្រុងដែលបានបញ្ចប់ការដាក់ឲ្យដំណើរការសាកល្បង ជោគជ័យ កាលពីដើមខែមុន ក្រោមកិច្ចសហការជាមួយអង្គការ JICA និង ភ្លាមៗបន្តដាក់ឲ្យដំណើរការរវាងសាលាក្រុង និងក្រុមហ៊ុនឯកជននោះ គ្រោងបញ្ចុះតម្លៃពិសេសដល់សិស្ស-និស្សិត និងមិនគិតថ្លៃសេវាសម្រាប់មនុស្សចាស់ដែលមានវ័យចាប់ពី ៦៥ ឆ្នាំឡើងទៅ។

City-bus5

លោក ឡុង ឌីម៉ង់ អ្នកនាំពាក្យសាលារាជធានីភ្នំពេញ បានថ្លែងថា សាលារាជធានីភ្នំពេញបានគិតគូររួច ហើយចំពោះការបញ្ចុះតម្លៃពិសេសនេះ សម្រាប់សិស្ស-និស្សិត និងម្យ៉ាងសម្រាប់មនុស្សចាស់អាយុចាប់ពី ៦៥ ឆ្នាំឡើងទៅមិនគិតថ្លៃសេវានោះទេ។ លោកថា ៖ “សម្រាប់សិស្សនិស្សិតនឹងអាចបញ្ចុះតម្លៃចាប់ពី ១៥ ទៅ ២០ ភាគរយ ឬយើងកំណត់តម្លៃប្រចាំខែ។ យើងក៏អាចគិតគូរទៅដល់បញ្ហាជនចាស់ជរា ដែលជាផ្នែកមួយនៃការគាំពារ ផ្នែកសេវាសង្គមកិច្ចដែរ”។

ប្រទេសអភិវឌ្ឍន៍មួយចំនួនមិនបានគិតថ្លៃសេវារថយន្តក្រុងសាធារណៈ សម្រាប់សិស្ស-និស្សិតនោះទេពោលរាល់ពេលធ្វើដំណើរ អ្នកទាំងនោះគ្រាន់តែបង្ហាញកាតសិស្សជាការស្រេច។

គម្រោងសាកល្បងកាលពីខែមុន ដោយអង្គការ JICA និងសាលារាជធានីភ្នំពេញ ជាមធ្យមមានអ្នកដំណើរពី ១៦០០ នាក់ ទៅ ១៧០០ នាក់ជិះរាល់ថ្ងៃ។

សាលា រាជធានីភ្នំពេញ មានគម្រោងបន្ថែមខ្សែរថយន្តក្រុងរហូតដល់ ៥ ជំហាន។ ជំហានទី២ នឹងដាក់ឲ្យដំណើរការ តាមបណ្ដោយផ្លូវកម្ពុជាក្រោម និងជំហានទី ៣ នឹងដាក់ឲ្យដំណើរការណ៍តាមបណ្ដោយផ្លូវម៉ៅសេទុង ដោយស្ថិតនៅក្រោមកិច្ចសហការវាងសាលារាជធានី និងក្រុមហ៊ុនឯកជន៕

យល់យ៉ាងណាដែរ គ្នាយើង?

By sabay

មុន បន្ទាប់

មតិយោបល់