រាជធានីភ្នំពេញ ៖ កម្មការិនី រោងចក្រ កាត់ដេរម្នាក់ ត្រូវរថយន្ត ដឹកកម្មករ រោងចក្រកាត់ដេរ បើកបរ ក្នុងល្បឿនលឿន កៀរ បណ្ដាលឲ្យ ដួល ហើយកិន បែកក្បាល ស្លាប់ភ្លាមៗ នៅនឹងកន្លែង ខណៈពេលនាង កំពុងជិះម៉ូតូ ១គ្រឿង ជាមួយសាច់ញាតិ ទៅធ្វើការរោងចក្រ ។

គ្រោះថ្នាក់ចរាចរនេះ បានកើតឡើង កាលពីវេលា ម៉ោង៦ និង៥០នាទីព្រឹក ថ្ងៃទី០២ មករា ២០១៥ នៅក្នុងតំបន់ សេដ្ឋកិច្ច ពិសេសភ្នំពេញ ស្ថិតក្នុងភូមិ ត្រពាំងគល់ សង្កាត់កន្ទោក ខណ្ឌពោធិ៍ សែនជ័យ រាជធានីភ្នំពេញ។

កម្មការិនីរងគ្រោះ ខាងលើនោះ ឈ្មោះ ហា សូនី អាយុ១៦ឆ្នាំ មានស្រុកកំណើត នៅភូមិក្នុងក្រវ៉ាក់ ឃុំអង្គប្រាសាទ ស្រុកគិរីវង្ស ខេត្តតាកែវ បានមកស្នាក់នៅ ផ្ទះជួល ស្ថិតក្នុង ភូមិព្រៃបឹង សង្កាត់កន្ទោក ខណ្ឌពោធិ៍ សែនជ័យ។ នារីរងគ្រោះ ជិះម៉ូតូម៉ាក ហុងដាសេ១២៥ ពណ៌ខ្មៅ ស៊េរី២០១៤ ពាក់ស្លាកលេខ កំពង់ ចាម1K-7366 ជិះគ្នា៤នាក់ ហើយនាង ជិះពីក្រោយគេ។ ដោយឡែក រថយន្តបង្ក ម៉ាកគា ពណ៌ស ចំណុះមួយតោនកន្លះ ពាក់ស្លាកលេខ ភ្នំពេញ2E-4015 បើកបរដោយ បុរសម្នាក់ ឈ្មោះ ចាន គា អាយុ៤២ឆ្នាំ៕

សពកម្មការិនីរោងចក្រ


ទិដ្ឋភាពភ្ញាក់ផ្អើលនៅកន្លែងកើតហេតុ


រថយន្តដឹកកម្មករ

ផ្តល់សិទ្ធដោយ កោះសន្តិភាព