ចិន៖ កាលពីពេលថ្មីៗនេះ ប៉ូលីសរបស់ ប្រទេសចិន បានឃាត់ខ្លួន មនុស្សចំនួន ១៥នាក់ ដែលជាអ្នកបង្កើត និងទទួលខុសត្រូវ លើវេបសាយ មួយចំនួន ដែលមានភ្ជាប់ សេវាកម្ម ដ៏គួរឲ្យ ភ្ញាក់ផ្អើលមួយ ក្នុងការផ្តល់ជូននូវ ការបំបៅដោះ ដោយផ្ទាល់ពី ស្ត្រីក្មេងៗ សម្រាប់ភ្ញៀវ ជាបុរស ដែលរឿងនេះ បានបង្ក ឲ្យមានការភ្ញាក់ផ្អើល និង ចាប់អារម្មណ៍យ៉ាងខ្លាំង ពីសំណាក់ មនុស្សជាច្រើន មិនថាតែ ប្រជាជនចិន នោះទេ។

យោងតាមប្រភព ព័ត៌មាន បានឲ្យដឹងថា ប៉ូលីសប្រចាំ ទីក្រុងធំៗ នៃប្រទេសចិន ដូចជា ប៉េកាំង, ហឺប៉ី, ហួរប៉ី និង ជាំងស៊ី បានបើកប្រតិបត្តិការ បង្ក្រាបសេវាកម្ម បំបៅដោះ ដល់មនុស្សពេញវ័យ ព្រមទាំងធ្វើការ បិទទីតាំង ២កន្លែង ដែលជាទីណាត់ជួបរវាង ពួកបុរសៗ ជាមួយនឹង ស្ត្រីជាម្តាយ វ័យក្មេង និង ស្រស់ស្អាត ដែលពួកគេជា អ្នកបម្រើសេវាកម្ម ប្រភេទនេះ។

សេវាកម្ម បំបៅដោះ ឬផ្តល់ទឹកដោះ សម្រាប់មនុស្ស ពេញវ័យនេះ គឺជាសេវាកម្មមួយ ដែលកំពុងពេញនិយម ដែលអាចឲ្យ បុរសស្វែងរក ទឹកដោះបរិសុទ្ធ ពីស្ត្រីវ័យក្មេង ដែលទើបមានកូនរួច។ សម្រាប់សេវាកម្ម បែបនេះ បើកឲ្យបុរស អាចបឺតយក ទឹកដោះផ្ទាល់ ពីដើមទ្រូង របស់នារីទាំងនោះ នៅក្នុងបន្ទប់។ លើសពីនេះទៀតនោះ វាក៏មានភ្ជាប់ នូវសេវាកម្ម ផ្លូវភេទ មកជាមួយផងដែរ ហើយពួកគេអាច ស្វែងរកសេវាកម្ម មួយនេះតាមរយៈ វេបសាយ ដែលកំពុងតែ ពេញនិយម នាពេលបច្ចុប្បន្នទាំងនោះ។

ផ្អែកទៅលើ ការដកស្រង់ សម្តីរបស់នារី វ័យ២៣ឆ្នាំម្នាក់ ដែលជាសមាជិក ក្នុងការផ្តល់ សេវាកម្ម បំបៅដោះ សម្រាប់មនុស្ស ពេញវ័យ បានឲ្យដឹងថា បុរសណាដែល ចង់បាននូវ ការបំបៅដោះ បែបនេះ គឺតម្រូវឲ្យចូល ទៅក្នុងវេបសាយ ដែលជាភ្នាក់ងារ សេវាកម្មមួយនេះ ដោយតម្រូវ ឲ្យចុះឈ្មោះនិង បង់ប្រាក់ជាង ៦ពាន់ដុល្លារ ក្នុង១ខែ ជាមុនសិន ដើម្បីក្លាយ ជាសមាជិក រួចមកទើប ពួកគេអាច ចូលទៅជ្រើសរើស ស្ត្រីវ័យក្មេង ដើម្បីបំបៅដោះ ដល់ពួកគេ តាមការចង់បាន ឬម្យ៉ាងវិញទៀត ពួកគេអាច បង់ប្រាក់ ជាង១ពាន់ដុល្លារថែមទៀត ដើម្បីអាច ទទួលបាននូវ សេវាកម្មផ្លូវភេទ បន្ថែមពីលើ ផងដែរ។

គួរបញ្ជាក់ផងដែរថា សេវាកម្ម បំបៅដោះសម្រាប់ មនុស្សពេញវ័យ គឺជាសេវាកម្ម មួយដែលមាន លក្ខណៈជា ពេស្យាចារ្យ ព្រោះថាវាក៏ មានភ្ជាប់នូវ សេវាកម្មរួមភេទ ក្នុងនោះផងដែរ ទើបធ្វើឲ្យប៉ូលីស សម្រេចបើក ប្រតិបត្តិការចុះ បង្ក្រាបនិង ទប់ស្កាត់ចំពោះ សេវាកម្មបែបនេះ៕

តើប្រិយមិត្តយល់ យ៉ាងណាដែរ?

រូបភាពៈ ស្ត្រីម្នាក់ដែល ជាសមាជិក ក្នុងការផ្តល់ នូវសេវាកម្ម បំបៅដោះ ដល់មនុស្សពេញវ័យ

ប្រភព៖ ដេលីម៉េល

ដោយ៖ សុជាតិ

ខ្មែរឡូត