ភ្នំពេញ ៖ គ្រោះថ្នាក់ចរាចរណ៍ ក្នុងឆ្នាំ២០១៤ កន្លងទៅនេះ បានសម្លាប់មនុស្ស ប្រមាណ ២.១៤៨នាក់ ដែលចំនួននេះ មានការកើនឡើង ២៤៧នាក់ បើប្រៀបធៀបនឹងឆ្នាំ២០១៣ មានត្រឹម ១.៩០១ នាក់ប៉ុណ្ណោះ។

យោងតាមរបាយការណ៍ ប្រចាំឆ្នាំរបស់អគ្គស្នងការ ដ្ឋាននគរបាលជាតិ បានឲ្យ ដឹងថា ក្នុងឆ្នាំ ២០១៤នេះ មានគ្រោះថ្នាក់ចរាចរណ៍កើតឡើងចំនួន ៤.៨៤០លើក បើធៀបនឹងឆ្នាំ២០១៣ មាន ៤.៣២២ លើក កើនឡើង ៥១៨លើក បណ្តាលឲ្យ មនុស្សស្លាប់ចំនួន ២.១៤៨នាក់ (ជនបរទេស ២២នាក់), រងរបួស ចំនួន ៨.០៥៧នាក់ លើ ៧.២០៨នាក់ កើនឡើងចំនួន ៨៤៩នាក់ (ជនបរទេស ១៥៤នាក់) របួសធ្ងន់ ៦.៦៥៤នាក់ លើ ៤.២០៥នាក់ កើន ឡើង ៤៤៩នាក់ និងរបួស ស្រាលចំនួន ៣.៤០៣នាក់ លើ៣.០០៣ នាក់ កើនឡើងចំនួន ៤០០នាក់។

គ្រោះថ្នាក់ចរាចរណ៍ទាំង ៤.៨៤០លើកនោះ បានធ្វើឲ្យខូចខាតទោចក្រយាន យន្តចំនួន ៥.០៥៦គ្រឿង លើ ៤.៤២៣គ្រឿង កើន ៦៣៣គ្រឿង, រថយន្តតូច ចំនួន ១.៧៩៧គ្រឿង លើ ១.៧១៣ គ្រឿង កើន ៨៤គ្រឿង, រថយន្តធំ ៦៨៧គ្រឿង លើ ៥៤១គ្រឿង កើន១៤៦គ្រឿង និងយានយន្តផ្សេងៗ ៤៣០គ្រឿង និងអ្នកថ្មើរជើងរងគ្រោះ ៥៣៨នាក់ លើ ៦២៣នាក់ ថយចុះ៨៥នាក់៕

ផ្តល់សិទ្ធដោយ ដើមអម្ពិល