_ កំទេចកំទី ដែលទើបនឹង រកឃើញនោះ គឺពិតជា បំណែករបស់ យន្តហោះ AirAsia QZ8501 ប្រាកដមែន

_ ប្រទះឃើញ សាកសពមួយចំនួន អណ្តែតទឹក ក្បែរកន្លែងដែល យន្តហោះ AirAsia បាត់ដាន ចុងក្រោយបំផុត

_ BBC ចុះផ្សាយថា សាកសពអណ្តែតទឹក ដែលរកឃើញ មានចំនួន ៦នាក់ (UPDATE បន្ថែម)

UPDATE: វេលារសៀល មុននេះបន្តិច បណ្តាញសារព័ត៌មាន ជាច្រើន ទើបតែ ចុះផ្សាយនូវ ព័ត៌មានអំពីការវិវឌ្ឍន៍ ក្នុងការរុករក យន្តហោះ AirAsia។ ព័ត៌មាន ចុងក្រោយថ្មី មួយទៀត ទទួលបានមុននេះ បានបញ្ជាក់ថា ក្រុមមន្ត្រី នៃប្រទេស ឥណ្ឌូនេស៊ី បានអះអាង និង ទទួលស្គាល់ថា បំណែកដែលបានប្រទះឃើញ ទាំងនោះ ពិតជារបស់ យន្តហោះ AirAsia QZ8501 ប្រាកដមែន។

ក្រុមអាជ្ញាធរ របស់ប្រទេស ឥណ្ឌូនេស៊ី ដែលបានជិះលើ ឧទ្ធម្ភាគចក្រ ក្នុងប្រតិបត្តិការស្វែងរក យន្តហោះមួយនេះ បានរាយការណ៍មកថា ពួកគេបានប្រទះឃើញ សាកសពអណ្តែត នៅលើទឹកសមុទ្រ ក្បែរតំបន់ ដែលយន្តហោះ AirAsia ដាច់ការទាក់ទង ជាលើកចុងក្រោយ បំផុត។

លោក Supriyadi អ្នកដឹកនាំ នៃក្រុមការងារ ស្រាវជ្រាវ និងជួយសង្រ្គោះ របស់ប្រទេស ឥណ្ឌូនេស៊ី បាននិយាយថា «កប៉ាល់របស់ កងទ័ពជើងទឹក នៃប្រទេស ឥណ្ឌូនេស៊ី បានកំពុងតែ ធ្វើការស្រង់យក សាកសពទាំងនោះ ហើយចំណែកឯ ស្ថានភាពនៃ សាកសពទាំងនោះ គឺមានសភាព ហើម តែមិនមាន ការខូចខាតអ្វីឡើយ។ យ៉ាងណាមិញ សាកសពទាំងនោះ មិនមានពាក់ អាវគ្របការពារ សុវត្ថិភាពឡើយ ដូច្នេះយើង ត្រូវចំណាយពេល បន្តិចទៀត ដើម្បីបញ្ជាក់ថា សាកសព គឺជាជនរងគ្រោះ ដែលស្ថិតនៅលើ យន្តហោះ AirAsia QZ8501 ប្រាកដមែន ឬយ៉ាងណា»។

លោក Manahan Simorangkir អ្នកនាំពាក្យ ឲ្យកងទាហានជើងទឹកឥណ្ឌូនេស៊ី ក៏បានបញ្ជាក់ថា «ពួកយើងបាន រកឃើញជនរងគ្រោះ មួយចំនួន តែពេលនេះយើង មិនទាន់ដឹងថា ពួកគេទាំងនោះ មានអ្នកខ្លះ នៅរស់ ឬ ក៏ស្លាប់ អស់ទៅហើយ នោះទេ»៕

នេះជាដំណឹង ថ្មីចុងក្រោយ មួយអំពីស្ថានភាពរុករក រយន្តហោះ ដឹកអ្នកដំណើរ AirAsia QZ8501 ហើយយើងនៅតែ សង្ឃឹមថា នឹងអាចមាន អ្នករស់រាន មានជីវិត គេចផុតពី គ្រោះថ្នាក់មួយនេះ៕

ចុចអាន៖ ទីបំផុត រកឃើញ បំណែកកំទេចកំទី យន្តហោះ Air Asia QZ8501

រូបភាពមួយចំនួន បង្ហាញពីទិដ្ឋភាព សោកសង្រេង របស់សាច់ញាតិ នៃអ្នកដំណើរ នៅលើយន្តហោះ AirAsia QZ8501៖

ប្រភព៖ បរទេស | Rediff | BBC

ដោយ៖ សុជាតិ

ខ្មែរឡូត