ចិន៖ វាគឺរឿងដ៏ គួរឲ្យរំជួលចិត្តមួយ ដែលសត្វឆ្កែ មួយក្បាល ស្ម័គ្រស្មោះរស់នៅ ជាមួយម្ចាស់ របស់វា ដែលជាមនុស្សពិការ ព្រមទាំងបាន ជួយរុញបុរស ម្នាក់នោះទៅ ធ្វើការរកស៊ី ជារៀងរាល់ថ្ងៃ មិនដែលខកខាន ម្តងណាឡើយ។

យោងតាមប្រភព ព័ត៌មានបាន ឲ្យដឹងថា បុរសម្នាក់ មានឈ្មោះថា Bo Laoma មានមុខរបរ ជាអ្នកដេរ ស្បែកជើង រស់នៅក្នុង ខេត្តហេណាន ប្រទេសចិន និងជាជនពិការម្នាក់ ហើយគាត់អាច ធ្វើដំណើរបាន ដោយសាររទេះរុញ មួយប៉ុណ្ណោះ តែជាសំណាងល្អវិញ គាត់មានមិត្ត ដ៏ល្អបំផុតមួយ នៅចាំជួយរុញគាត់ ក្នុងការធ្វើដំណើរ ជាពិសេសផ្លូវឆ្ងាយៗ ដូចជាផ្លូវ ទៅកាន់កន្លែង ធ្វើការ របស់គាត់ ជាដើម ហើយមិត្តនោះ គឺជាឆ្កែរបស់ គាត់ផ្ទាល់តែម្តង។

រូបភាពៈ ឆ្កែរបស់ Bo កំពុងជួយ រុញគាត់ ដើម្បីធ្វើដំណើរ

លោក Bo ដែលបានស្លាប់ មួយកំណាត់ក្រោម ប្រើប្រាស់រទេះរុញ និងចំណាយពេល ដល់ទៅ១ម៉ោង ដើម្បីធ្វើដំណើរ ពីផ្ទះទៅកាន់ កន្លែងដេរស្បែកជើង ដោយឆ្លងកាត់ផ្លូវភ្នំ ចុះឡើងៗ តែការធ្វើដំណើរ ទាំងនេះបាន ក្លាយជារឿង ពិបាកតិចតួច ប៉ុណ្ណោះក៏ ព្រោះតែគាត់ មានសត្វឆ្កែ ដ៏ឆ្លាតមួយក្បាល តាមជួយគាត់ គ្រប់ជំហាន។

Bo បាននិយាយថា “ឆ្កែរបស់ខ្ញុំ តែងតែជួយ រុញខ្ញុំមក ធ្វើការជា រៀងរាល់ថ្ងៃ ហើយវាមិនដែល ចាកចេញពីខ្ញុំឡើយ ខ្ញុំជឿថា ឆ្កែរបស់ខ្ញុំ មួយក្បាលនេះ ឆ្លាតខ្លាំងណាស់ ហើយវា ឆ្លាតជាងឆ្កែ ជាច្រើន ដែលខ្ញុំធ្លាប់ បានឃើញក្នុង ទូរទស្សន៍ទៅទៀត”។

គូសបញ្ជាក់ផងដែរថា នេះគឺជារឿងមួយ នៅក្នុងចំណោម រឿងជាច្រើនទៀត ដែលបង្ហាញភាព ភក្តីភាព របស់សត្វឆ្កែ មានចំពោះមនុស្ស ដែលយើងមិន អាចចាត់ទុក វាត្រឹមតែ ជាសត្វចិញ្ចឹម ធម្មតានោះទេ តែវាគឺជា សមាជិកដ៏ ពិតប្រាកដមួយ ក្នុងគ្រួសារ របស់អ្នក៕

តើប្រិយមិត្តយល់ យ៉ាងណាដែរ?

ទិដ្ឋភាព មួយចំនួន បង្ហាញពី ការរស់នៅ របស់ Bo ជាមួយនិង ឆ្កែសំណព្វ របស់គាត់៖

ប្រភព៖ បរទេស

ដោយ៖ សុជាតិ

ខ្មែរឡូត