ភ្នំពេញ 30 ធ្នូ 2014 ៖ Nokia 130ដែលជាសមាជិកថ្មីមួយទៀតនៃទូរស័ព្ទ បែបមូល ដ្ឋាន របស់ Microsoft Devices Groupបានត្រូវ ដាក់លក់ នៅក្នុងប្រទេសកម្ពុជា ហើយ ។ Nokia 130 សក្តិសម បំផុតសម្រាប់ អតិថិជន ដែលចាប់ផ្តើម ប្រើប្រាស់ទូរស័ព្ទបែប មូលដ្ឋាន លើកដំបូង ឬ អតិថិជនដែល ត្រូវការទូរស័ព្ទបម្រុង ដើម្បីប្រើអម ជាមួយនឹង ស្មាតហ្វូន របស់ខ្លួន។ទូរស័ព្ទខាងលើ នេះអាចបើក មើលវីដេអូ ចាក់បទចម្រៀង បានជាប់ រហូតដល់ 46 ម៉ោង មានភ្លើងពិល វិទ្យុអេហ្វអឹម ហើយថែមទាំង មានប្រដាប់ សាកថ្ម USB ទៀតផង ដោយផ្តល់ ជូនក្នុងតម្លៃលក់ រាយប្រមាណ $26.5ប៉ុណ្ណោះ ។

Nokia 130 មានអេក្រង់ពណ៌ធម្មជាតិ ទំហំ 1.8 អ៊ីង មានគុណភាពល្អ ប្រើជាប់ បានយូរ ថ្មកាន់ភ្លើង បានយូររហូតដល់ទៅ 26 ថ្ងៃ ។ ដោយមានលទ្ធភាពផ្ទុកបទចម្រៀង បានរហូត ដល់ទៅ 6,000 បទតាមរយៈ 32GB SD Card ធ្វើឲ្យអតិថិជន ទទួលនូវភាពរីករាយ បានកាន់តែយូរ ។ លើសពីនេះ ទៅទៀត Nokia 130 មានកម្មវិធី Slam និង អាចតភ្ជាប់ទៅនឹង ឧបករណ៍អេឡិចត្រូនិក ដទៃបានតាម រយៈខ្សែ USB ដូច្នេះការផ្ទេរ បទចម្រៀង រូបថត វីដេអូ ជាដើម ពិតជាមានភាពងាយស្រួល ។ 

លោក Rahul Karveអគ្គនាយកនៃប្រតិបត្តិការរបស់ក្រុមហ៊ុន Microsoft Devices នៅក្នុង ប្រទេសកម្ពុជា បានលើក ឡើងថា “ ជាមួយនឹងការរចនាដ៏ល្អវិចិត្រ ការបញ្ចូល នូវកម្មវិធីកម្សាន្ត និងតម្លៃដ៏ ល្អប្រសើរ ផងនោះ, Nokia 130 នឹងផ្តល់ ជូនអតិថិជន រាប់លាននាក់ នូវបទពិសោធន៍ថ្មី នៃការប្រើប្រាស់ ទូរស័ព្ទដៃ ។ ក្នុងនាមជាទូរស័ព្ទ ដែលអាចចាក់ វីដេអូ និងបទចម្រៀងបាន ហើយមានតម្លៃ ទាបផងនោះ, Nokia 130 គឺជាទូរស័ព្ទបែប មូលដ្ឋានដំបូងបង្អស់ ឬជា ទូរស័ព្ទបម្រុង ដែលល្អជាទីបំផុត ។ “ 

ដោយមានដាក់លក់ពីថ្ងៃនេះតទៅ, Nokia 130 បីពណ៌សម្រាប់ជ្រើស រើសគឺ ក្រហម ខ្មៅ និងស៕

បញ្ចូលអត្ថបទដោយ ម៉ា

ខ្មែរឡូត