រាជធានីភ្នំពេញ ៖ បុរសម្នាក់បានដឹកប្រពន្ធទៅធ្វើការនៅរោងចក្រកាត់ដេរ និងបានដាក់ កូនប្រុស អាយុ៦ឆ្នាំម្នាក់ ទៅជាមួយផងដែរ លុះក្រោយពេលជូនប្រពន្ធទៅដល់រោង ចក្រក៍ បានជិះម៉ូតូ ដឹកកូនប្រុសម្នាក់ នោះត្រឡប់ ទៅផ្ទះវិញ។ នៅពេលទៅដល់ ពាក់កណ្ដាលផ្លូវ ម៉ូតូបាន អស់សាំងទៅ មុខលែងរួច ក៏បានឈប់ ដើម្បីចាក់សាំង ។ ខណៈនោះមាន ការធ្វេសប្រហែស តែបន្តិចប៉ុណ្ណោះ កូនប្រុសរបស់ គាត់បានលោតចុះ ពីម៉ូតូ ដើរឆ្លងផ្លូវ គាប់ជួនមាន រថយន្តយីឌុបដឹកថ្ម១គ្រឿង ដែលជារបស់ដេប៉ូខ្សាច់(សម្បត្តិ) ទៅដល់បុក និងកិនបណ្ដាល ឲ្យស្លាប់ភ្លាមៗ នៅនឹងកន្លែងតែម្តង។

គ្រោះថ្នាក់ចរាចរណ៍នេះបានកើតឡើងកាលពីវេលាម៉ោង៧ និង១៥នាទីព្រឹក ថ្ងៃទី២៩ ធ្នូ ២០១៤ នៅ លើកំណាត់ ផ្លូវកៅស៊ូ ស្ថិតក្នុងភូមិតាំរនាម សង្កាត់ប្រទះឡាង ខណ្ឌដង្កោ ។ ក្មេងប្រុស ដែលស្លាប់នោះ ឈ្មោះ សាន ចន្ទ្រា អាយុ៦ឆ្នាំ មានឪពុកឈ្មោះ សាន ផល្លា អាយុ៣៥ឆ្នាំ ជាកសិករ មានទីលំនៅភូមិភា សង្កាត់ប្រទះឡាង ខណ្ឌដង្កោ ។

ដោយឡែករថយន្តដឹកថ្មរបស់ដេប៉ូ ខ្សាច់(សម្បត្តិ) នោះម៉ាក HYUNDIA ប្រភេទ យីឌុប ពណ៌ក្រហម ពាក់ស្លាកលេខ ស្វាយរៀង3A-0313 បើកបរដោយបុរសម្នាក់ឈ្មោះ ម៉ោង លន អាយុ៣៤ឆ្នាំ មានទីលំនៅភូមិ អន្លង់ស្វាយ សង្កាត់បឹងធំ ខណ្ឌពោធិ៏សែនជ័យ រាជធានីភ្នំពេញ៕

  
សពក្មេងប្រុសរងគ្រោះនៅកន្លែងកើតហេតុ

  
រថយន្តដែលបុកក្មេងរងគ្រោះ

  
អ្នកបើកបររថយន្ដ

ផ្តល់សិទ្ធដោយ កោះសន្តិភាព