ខេត្តកណ្តាល ៖ ក្មេងប្រុសអាយុជាង១ ខួបម្នាក់បានលង់ទឹកស្លាប់ បន្ទាប់រអិលជើងធ្លាក់ចូល ទឹកស្រះ ខាងក្រោយ ដែលមានជម្រៅកន្លះ ម៉ែត្រ ខណៈយាយតា ជាប់រវល់ភ្លេចមើលចៅ កាលពីវេលា ម៉ោង ០៩ព្រឹកថ្ងៃទី២៨ ធ្នូ ២០១៤ នេះ ស្ថិតក្នុងភូមិរាំងដេក ឃុំគគីរធំ ស្រុកកៀនស្វាយ ខេត្ត កណ្តាល ។

ប្រភពបានឱ្យដឹងថា ក្មេងប្រុសរងគ្រោះឈ្មោះផាត ណារីន អាយុ១ខួបកន្លះ មានឪពុកឈ្មោះផាត សុភ័ណ អាយុ២២ឆ្នាំ និងម្តាយឈ្មោះ បូរ៉ាន់ អាយុ១៩ឆ្នាំ ទាំង២នាក់ទៅធ្វើកម្មករនៅរាជធានីភ្នំពេញ ដោយទុកកូន ឱ្យជីដូនឈ្មោះបូ រ៉េនអាយុ៣៩ឆ្នាំ និងតាឈ្មោះធូ ចាន់រ៉ា អាយុ៣៩ឆ្នាំ មើលថែនៅផ្ទះ ដែលមាន ទីលំនៅក្នុងភូមិ-ឃុំកើតហេតុខាងលើ ។

ប្រភពបន្តថា មុនពេលកើតហេតុ ជីតារបស់ក្មេងប្រុស រងគ្រោះរវល់ទៅកាប់អុស ដោយទុកចៅប្រុសឱ្យ នៅយាយ តែយាយជាប់រវល់ ទៅហាល លៀសភ្លេចចៅប្រុស តូចខាងលើ ។ លុះមួយសន្ទុះត្រូវកូនស្រីពៅ អាយុ៨ឆ្នាំម្នាក់រត់មកប្រាប់ទាំង ទឹកភ្នែកថា អាអូនរអិល ធ្លាក់ចូលទឹកស្រះ ខាងក្រោយផ្ទះហើយ ពេលនោះយាយបានស្រែកឆោឡោ ឡើងរត់ទៅជួយចៅប្រុស តែបានហួសពេល ទៅហើយ ។

ផ្តល់សិទ្ធដោយ កោះសន្តិភាព