ភ្នំពេញ៖ បន្ទាប់ពី ជោគជ័យ ទៅលើ ខ្សែភាពយន្ត ជាច្រើនរឿង ដែលទទួលបាន ការគាំទ្រ យ៉ាងច្រើនសម្បើម ពីទស្សនិកជន រួចមក កាលពីថ្មីៗនេះ នាយគ្រឿន តារាកំប្លែង ពូកែវោរហា  បានចាប់ដៃគូ ជាមួយនឹង លោក ប៉ែន ចំរុង ពិធីករ ស្រស់សង្ហារ ក្នុងខ្សែភាពយន្តថ្មី «បង្គោលគ្រាក់ សង្កត់វិញ្ញាណ» របស់ផលិតកម្ម LD Picture។

ក្នុងឈុតឆាក Trailer ខ្លី របស់ខ្សែភាពយន្តថ្មី «បង្គោលគ្រាក់ សង្កត់វិញ្ញាណ» ដែលគ្រាន់តែមាន រយៈពេលប្រមាណជាជាង ៤ នាទីប៉ុណ្ណោះ អាចធ្វើឲ្យទស្សនិកជន ជាពិសេសអ្នកលេង ហ្វេសប៊ុកជាច្រើន ចុច LIKE និង SHARE យ៉ាងព្រោងព្រាត ដោយសារតែ មិនអាចទប់ សំណើច ជាមួយនឹងផ្ទាំង ទស្សនីយកំប្លុកកំប្លែង អមជាមួយនឹង ម៉ូតសក់ថ្មី របស់នាយគ្រឿន និងលោក ប៉ែន ចំរុង ដែលមើលទៅដូចជា ចម្លែកភ្នែកមែនទែន។

គួរបញ្ជាក់ផងដែរថា ខ្សែភាពយន្តថ្មី «បង្គោលគ្រាក់ សង្កត់វិញ្ញាណ» នេះនឹងចាក់បញ្ចាំង ក្នុងពេលឆាប់ៗនេះ នៅថ្ងៃទី ៦ ខែ មករា ខាងមុខនេះ ខណៈមាន ទស្សនិកជន ជាច្រើន អន្ទះអន្ទែង ចង់ទស្សនា មិនចេះដាច់៕

ចង់ដឹងច្បាស់ ទស្សនាវីដេអូ ដកស្រង់ពីហ្វេសប៊ុក៖

តើប្រិយមិត្តយល់យ៉ាងណាដែរ?

ដោយ RoMeo

ខ្មែរឡូត