ខេត្តកំពង់ស្ពឺ ៖ បុរសម្នាក់បើករថយន្តឡិចស៊ីស RX300 ពណ៌ខ្មៅមួយគ្រឿង ពាក់ ស្លាកលេខ ភ្នំពេញ2H-3191 ដោយបើកបរក្នុងស្ថានភាពស្រវឹងស្រា និងបានព្យាយាមបើកចូល ក្បួន រថយន្ត របស់លោកជំទាវ កិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ដែលកំពុងធ្វើ ដំណើរតាមផ្លូវជាតិ លេខ៤ ក្នុងទិសដៅ ពីលិចទៅកើត ត្រូវបានអង្គរក្សការពារ សុវត្ថិភាពធ្វើការ ឃាត់ខ្លួនប្រគល់ ទៅឱ្យកងរាជអាវុធ ហត្ថ ខេត្តកំពង់ស្ពឺ យក ទៅសួរនាំ ។ ហេតុការណ៍នេះ កើតឡើងកាលពី វេលាម៉ោង ៥ ល្ងាច ថ្ងៃទី ២៥ធ្នូ ២០១៤ នៅលើកំណាត់ ផ្លូវជាតិលេខ៤ ស្ថិតក្នុងភូមិត្រពាំងអំពិល  ស្រុកសំរោងទង ខេត្តកំពង់ស្ពឺ ។

បុរសដែលឃាត់ខ្លួនខាងលើមានឈ្មោះ រីន សារ៉ាត់ អាយុ៣៧ឆ្នាំ គឺជាកូនប្រុស អតីតអភិបាល ស្រុក ឱរ៉ាល់ និងធ្លាប់ម្រើ ការងារជាជំនួយការលោក ពេជ្រ ប៊ុនធិន រដ្ឋមន្រ្តីក្រសួងមុខ ងារសារធារណៈ ។

ប្រភពពីសមត្ថកិច្ចបានឱ្យដឹងថា បុរសដែលឃាត់ខ្លួនខាងលើនេះបានព្យាយាម បើករថយន្ត ឡិចស៊ីស មួយគ្រឿង ចូលទៅក្នុងក្បួន រថយន្តរបស់លោកជំទាវទី១ ដែលធ្វើឱ្យគណៈ ប្រតិភូ ក្នុងក្បួន រថយន្តមាន ការភិតភ័យ ខ្លាចមានគ្រោះ ថ្នាក់ជាយថាហេតុ ដែលកើតឡើង ដោយប្រការណាមួយ ហើយក៏បាន ឱ្យអង្គរក្សធ្វើការឃាត់បុរសនេះប្រគល់ ឱ្យទៅកង រាជអាវុធ ហត្ថខេត្ត។ បុរស ឈ្មោះ រីម សារ៉ាត់ នេះបើតាម ប្រភពបានបង្ហើប ឱ្យដឹងថា ត្រូវបានលោក រដ្ឋមន្រ្តីជួយជ្រោមជ្រែង ឱ្យក្លាយជា អភិបាលស្រុក ឱរ៉ាល់ផងដែរ ។

គួរបញ្ជាក់ថា បុរសឈ្មោះ រីម សារ៉ាត់ គឺជាឈ្មួញរកស៊ីដីដ៍ធំ នៅតំបន់ស្រុកឱរ៉ាល់ កាលពី ជំនាន់ ឪពុករបស់ គេធ្វើជាអភិបាលស្រុកឱរ៉ាល់ ។ មជ្ឍដ្ឋានទូទៅរងចាំមើលថា តើសមត្ថកិច្ចនិង ចាត់វិធានការ បែបណាទៅជនម្នាក់នេះ ដែលប្រហើន មិនគិតពីសុវត្ថិភា ពរបស់ភរិយាថ្នាក់ដឹកនាំកំពូល ។

  
បុរសដែលបើករថយន្តចូលក្បួនរថយន្តលោកជំទាវកិត្តិព្រឹទ្ធ បណ្ឌិត ប៊ុន រ៉ានី ហ៊ុនសែន

ផ្តល់សិទ្ធដោយ កោះសន្តិភាព