រាជធានីភ្នំពេញ៖ ជនសង្ស័យជាមុខសញ្ញាប្រើដាវសាមួរ៉ៃកាប់ប្លន់យកម៉ូតូម្នាក់ប្រទះ ឃើញកម្លាំង សមត្ថកិច្ចចម្រុះកំពុង ត្រួតពិនិត្យអាវុធ ជាតិ ផ្ទុះភ័យ ពេករត់ចោលម៉ូតូត្រូវ កម្លាំងប៉េអឹមឃាត់ខ្លួនបានម្នាក់ រួមជាមួយ ដាវសាមួរ៉ៃមួយដើម កាលពីវេលាម៉ោង៦ និង៣០នាទីព្រលប់ ថ្ងៃទី ២៣ ធ្នូ លើកំណាត់ផ្លូវជាតិ លេខ១ សង្កាត់និរោធ ខណ្ឌច្បារអំពៅ ។

សមត្ថកិច្ចបានឲ្យដឹងថា ខណៈពេលដែលកម្លាំងចម្រុះសហការគ្នាឆែកឆេរអាវុធជាតិផ្ទុះ វាស់ជាតិអាល់ កុល ផាកពិន័យអ្នកបើកបរ អត់ពាក់ មួក ការពារសុវត្ថិភាព ម៉ូតូអត់មានកញ្ចក់ ស្រាប់តែមានជនសង្ស័យ ជិះម៉ូតូស្គូពីពណ៌ស លាយលឿង អត់ស្លាកលេខ ជិះតែម្នាក់ឯងគួរឲ្យ សង្ស័យ សមត្ថកិច្ច បានហៅ ធ្វើការឆែកឆេរ បែរជាជនសង្ស័យ មិនព្រមឈប់ ហើយព្យាយាមរត់គេច តែឃើញសមត្ថកិច្ចមាន គ្នាច្រើនពេក បានផ្តួលម៉ូតូ ទុកចោល ហើយរត់គេចខ្លួនត្រូវ កម្លាំងប៉េអឹម ស្ទាក់ចាប់បាន និងធ្វើការ ឆែកឆេរនៅ ក្នុងកែបម៉ូតូឃើញមាន ដាវសាមួរ៉ៃ មួយដើម ។

ជនសង្ស័យដែលឃាត់ខ្លួនបានមានឈ្មោះ សុខ ឆេង ភេទប្រុស អាយុ១៤ឆ្នាំ ស្នាក់នៅសង្កាត់បឹង ត្របែក ខណ្ឌចំការមន ជាមុខសញ្ញាកាប់ ប្លន់យកម៉ូតូនៅសង្កាត់ព្រែកប្រា ខណ្ឌច្បារអំពៅ ។ បច្ចុប្បន្នជនសង្ស័យ រួមជាមួយ វត្ថុតាងដែលដកហូត បានត្រូវសមត្ថកិច្ច យកទៅ សាកសួរ នៅអធិការដ្ឋាន ខណ្ឌច្បារអំពៅ រង់ចាំចាត់ការតាមច្បាប់ ៕

សមត្ថកិច្ចឃាត់ខ្លួនមុខសញ្ញាប្រើដាវសាមួរ៉ៃកាប់ប្លន់ម្នាក់

ផ្តល់សិទ្ធដោយ កោះសន្តិភាព