ភ្នំពេញ៖ បើយោងតាមសារព័ត៌មាន ភ្នំពេញប៉ុស្តិ៍ ដែលចេញផ្សាយ កាលពីថ្ងៃទី ២២ ខែ ធ្នូ ម្សិលមិញនេះ បានដកស្រង់សម្តី របស់លោកស្រី តាំង គឹមឆេង ជាភរិយារបស់លោក ឧកញ៉ា អ៊ឹង ម៉េងជឺ និងជាថៅកែ ហាងពេជ្រ ហុងកុង ថា "មិនធ្លាប់ស្គាល់ រឺក៏ជួបជាមួយនឹងលោក ថោង សារ៉ាត់ ពីមុនមកទេ មិនតែប៉ុណ្ណោះ លោកស្រីថែមទាំងរំពឹង ទៅលើសមត្ថកិច្ចទាំងស្រុង ក្នុងការស្វែងរក យុត្តិធម៌។"

ការអះអាងរបស់លោកស្រី តាំង គឹមឆេង ធ្វើឡើងបន្ទាប់ពី ខ្សែអាត់វីដេអូ របស់លោក ថោង សារ៉ាត់ ដែលបង្ហោះ ជាបន្តបន្ទាប់ នៅលើបណ្តាញ សង្គមហ្វេសប៊ុក មិនត្រឹមតែ ស្នើសុំកិច្ច អន្តរាគមន៍ ពីប្រមុខ រាជរដ្ឋាភិបាល នោះទេ ថែមទាំងអះ អាងហើយ អះអាងទៀត ថារូបលោក និងអង្គរក្សទាំង ៤ នាក់ សុទ្ធសឹងតែ មិនជាប់ពាក់ព័ន្ធ នឹងករណី ឃាតកម្ម ទៅលើលោកឧកញ៉ា អ៊ឹង ម៉េងជឺ នេះ។

គួរបញ្ជាក់ផងដែរថា បច្ចុប្បន្ននេះ ទាំងប៉ូលីសកម្ពុជា រួមជាមួយនឹង ប៉ូលីសអន្តរជាតិ អាំងទែប៉ូល បានសហការគ្នា តាមចាប់ខ្លួន លោក ថោង សារ៉ាត់ ដែលជាមេខ្លោង នៅពីក្រោយឃាតកម្ម លើលោកឧកញ៉ា អ៊ឹង ម៉េងជឺ កាលពីថ្ងៃទី ២២ ខែ វិច្ឆិកា ឆ្នាំ២០១៤៕

លោកឧកញ៉ា អ៊ឹង ម៉េងជឺ (កាលនៅរស់) ថតជាមួយនឹង ភរិយា លោកស្រី តាំង គឹមឆេង

លោក ថោង សារ៉ាត់ មានក្នុងបញ្ជីឈ្មោះ ប៉ូលីសអន្តរជាតិ អាំងទែប៉ូល

ដោយ RoMeo

ខ្មែរឡូត