ពោធិ៍សាត់ ៖ លោកយាយ ឈុំ អែម អាយុ៨៥ឆ្នាំ រស់នៅក្នុងខ្ទមកំសត់ ស្ថិតក្នុង ភូមិស្ទឹងតូច សង្កាត់រលាប ក្រុងពោធិ៍សាត់់ លើដីរបស់អ្នកស្រុក ហើយខ្ទម និងដីនោះគឺ អ្នកជិតខាង ឲ្យរូបគាត់រស់ នៅសព្វថ្ងៃនេះ។

ស្ថិតក្នុងស្ថានភាព មានជំងឺលើសឈាម ពិការដៃ និងជើង ក្នុងអំឡុងឆ្នាំនេះ លោកយាយនៅតែខិតខំ ដើររើសផ្លែពុទ្រា ដែលទំជ្រុះ យកមកលាងទឹក ដើម្បីយកទៅលក់ គ្រាន់បានកម្រៃ បន្តិចបន្តួច សម្រាប់ទុក ទិញអង្ករហូប និងចិញ្ចឹម ចៅៗតូចៗ ដែលនៅក្នុងបន្ទុក របស់លោកយាយ ។

លោកយាយ ឈុំ អែម បានរៀបរាប់ ទាំងទឹកភ្នែកថា កាលពីឆ្នាំកន្លងទៅ ពេលដែលលោកយាយ នៅមាន សុខភាពធម្មតា ដើរបាន លោកយាយតែង តែធ្វើនំអន្សម ធ្វើចេកចៀន ដើរលក់នៅតាមភូមិ ជារៀងរាល់ថ្ងៃ គ្រាន់បានកម្រៃ បន្តិបន្តួចចិញ្ចឹមជីវិត ។ ប៉ុន្តែរហូតមក ដល់ឆ្នាំ២០១៤នេះ លោកយាយក៍បាន ធ្លាក់ខ្លួន ពិការដៃ និងជើងដោយសារ ជម្ងឺលើសឈាមតែម្តង ម្លោះហើយលោក យាយសព្វថ្ងៃនេះ បានត្រឹមតែចុះរំកល់ខ្លួន មករើសផ្លែពុទ្រា ដែលទុំជ្រុះនៅ ក្បែរខ្ទម របស់លោកយាយ តែប៉ុណ្ណោះសម្រាប់ ទុកលក់យក កម្រៃចិញ្ចឹមជីវិត។

តាមរយះមជ្ឈមណ្ឌល ពត័មានដើមអម្ពិល លោកយាយ ក៍បានលើក ម្រាមដៃដប់ ដង្ហោយរកជំនួយ ពីសប្បុរសជន នានាដែរ ៕

ផ្តល់សិទ្ធដោយ ដើមអម្ពិល