ចិន៖ រូបថតមួយសន្លឹក ដ៏គួរឲ្យភ្ញាក់ផ្អើល ដែលមើលហើយ អាចធ្វើឲ្យយើង ស្រៀវសាច់ជំនួស ក្មេងស្រីតូចម្នាក់ ដែលនាង បានធ្លាក់ចូល ទៅក្នុងចន្លោះជញ្ជាំង ដ៏ចង្អៀតដែល ប្រកបដោយ គ្រោះថ្នាក់បំផុត។

យោងតាមប្រភព ព័ត៌មានបាន ឲ្យដឹងថា ក្មេងស្រីតូចម្នាក់ ឈ្មោះថា Yaoyao អាយុ៤ឆ្នាំ បានធ្លាក់ចូល ទៅក្នុងចន្លោះជញ្ជាំង ដែលមានទំហំ ត្រឹម ២០សង់ទីម៉ែត្រ និងកម្ពស់ ៤ម៉ែត្រ ដោយចៃដន្យ ហើយក្នុងស្ថានភាពនោះ នាងមិនអាច រើខ្លួនរួចឡើយ។

តែយ៉ាងណាមិញ ភ្លាមៗនោះដែរ ក្រុមពន្លត់អគ្គីភ័យ បានទៅកាន់ទីនោះ ដើម្បីធ្វើការ សង្រ្គោះក្មេងតូចម្នាក់នេះ ដោយពួកគេ បានប្រញាប់ ស្ទាបស្ទង់កន្លែង ដែលក្មេងតូច Yaoyao បានធ្លាក់ចូល រួចធ្វើការវាយ បំបែកជញ្ជាំង ដើម្បីរំដោះនាងចេញ ហើយប្រមាណ ២០នាទីក្រោយមក ពួកគេក៏អាច ជួយសង្រ្គោះនាង ចេញមកបាន ដោយសុវត្ថិភាព ហើយនាងគ្រាន់តែ របួសសើស្បែក បន្តិចបន្តួចប៉ុណ្ណោះ។

គួរបញ្ជាក់ផងដែរថា ពេលដែលក្មេងតូច Yaoyao បានគៀបជាប់ ក្នុងចន្លោះជញ្ជាំងនោះ នាងមិនបាន ស្រែកយំ ឬ ក៏បង្ហាញពីភាព ភិតភ័យអ្វីឡើយ ដោយនាងគ្រាន់តែ ឈរនៅស្ងៀម ដើម្បីរង់ចាំ ការជួយសង្រ្គោះប៉ុណ្ណោះ ដែលកាយវិការនេះ បានធ្វើឲ្យមនុស្ស ជាច្រើនបានសម្តែង ការកោតសរសើរ ទៅដល់ក្មេងស្រី តូចម្នាក់នេះ៕

តើប្រិយមិត្តយល់ យ៉ាងណាដែរ?

រូបភាព ដ៏គួរឲ្យស្រៀវសាច់ នៃស្ថានភាព ពេលដែលក្មេងស្រី តូចម្នាក់នោះ ធ្លាក់ចូលក្នុង ចន្លោះជញ្ជាំង ដ៏ចង្អៀត

រូបភាពៈ សកម្មភាពរបស់ ក្រុមពន្លត់អគ្គីភ័យ ពេលដែលកំពុង ជួយក្មេងស្រីតូច Yaoyao

រូបភាពៈ ក្មេងស្រីតូច Yaoyao និងម្តាយរបស់នាង

ប្រភព៖ បរទេស

ដោយ៖ សុជាតិ

ខ្មែរឡូត