អាលែកស៊ីចំណីអាហារ អាចមានអាការៈដូចម្តេចខ្លះ?

អាលែកស៊ីចំណីអាហារ អាចមានអាការៈដូចម្តេចខ្លះ?

យ www.health.com.khថ្ងៃទី09 ធ្នូ ឆ្នាំ2014

ដំណើរការស្មុគស្មាញ នៃការរំលាយអាហារ បានប៉ះពាល់ដល់ពេលវេលា ទីតាំង និងរោគសញ្ញា ជាក់លាក់ណាមួយ នៃការអាលែកស៊ីចំណីអាហារ។ រោគសញ្ញាទាំងអស់ នៃការអាលែកស៊ីចំណីអាហារ គឺកើតឡើងក្នុងរយៈពេលពីរទៅបីនាទី ឬទៅប៉ុន្មានម៉ោងក្រោយមក បន្ទាប់ពី ការបរិភោគអាហាររួច។ អ្នកធ្លាប់មានអាលែគស៊ីចំណីអាហារ ជាធម្មតា តែងមានបទពិសោធន៍ ដូចជា រមាស់នៅក្នុងមាត់ ពិបាកលេប និងពិបាកក្នុងការដកដង្ហើម។ បន្ទាប់មក នៅក្នុងអំឡុងពេល ការរំលាយអាហារនៅក្នុងក្រពះ និងពោះវៀន វាតែងតែមានរោគសញ្ញា ដូចជា ចង្អោរ ក្អួត រាគ និងការឈឺចុករមួលពោះ។ វាតែងតែមានការយល់ច្រលំ រវាងរោគសញ្ញានៃការអាលែកស៊ីចំណីអាហារ និងរោគសញ្ញា នៃការដែលមិនមានភាពសុំាជាមួយម្ហូបអាហារ។

ដូចដែលបានរៀបរាប់ខាងលើ សារធាតុដែលធ្វើឱ្យមានអាលែកស៊ី ត្រូវបានស្រូបយក និងបញ្ចូលទៅក្នុងប្រព័ន្ធឈាម។ នៅពេលដែលពួកគេ បានទៅដល់ស្បែក សារធាតុដែលធ្វើឱ្យអាលែកស៊ី អាចធ្វើឱ្យមានជាកន្ទួលក្រហម ឬមានជាជំងឺត្រអក ឬជំងឺរើម ហើយនៅពេល ដែលពួកវាទាំងនេះ បានទៅដល់សួត ពួកវានឹងអាចធ្វើឱ្យបង្កមានជាការកើតជំងឺហឺត។ ក៏ដូចជាសារធាតុដែលធ្វើឱ្យអាលែកស៊ី ធ្វើដំណើរក្នុងសរសៃឈាម ដែលពួកវានឹងអាចបង្កឱ្យមានការឈឺក្បាលតិចៗ ភាពទន់ខ្សោយអស់កម្លាំង និងធ្វើឱ្យមានប្រតិកម្ម ដែលជាហេតុធ្វើឱ្យ មានការធ្លាក់ចុះ សម្ពាធឈាមមួយរំពេច។ ចំពោះប្រតិកម្ម អាណាហ្វីឡាកទិច (Anaphylactic) គឺវាមានភាពធ្ងន់ធ្ងរ សូម្បីតែនៅពេលដែលពួកគេ បានចាប់ផ្តើមជាមួយនឹងរោគសញ្ញាស្រាល ដូចជា ការចាក់ឆៀបៗនៅក្នុង មាត់ និងបំពង់ក ឬមិនស្រួលនៅក្នុងពោះ។ ពួកវាអាចធ្ងន់ធ្ងរជាងនេះ ប្រសិនបើមិនបានព្យាបាល យ៉ាងឆាប់រហ័ស៕

ប្រភព៖health.com.kh

មុន បន្ទាប់

មតិយោបល់