ក្មេងប្រុស ២នាក់ បងប្អូន កំពុងតែ ទទួលបាន ប្រជាប្រិយភាព និង ការកោតសរសើរ ពីសំណាក់ អ្នកលេងហ្វេសប៊ុក ព្រោះតែ ភាពក្លាហាន និង អំណត់តស៊ូ របស់ពួកគេ។

ប្រភពមួយនៅលើហ្វេសប៊ុក បានបង្ហោះរូបថត មួយសន្លឹក របស់ក្មេងប្រុស ២នាក់ បងប្អូន អាយុ ៦ឆ្នាំ និង ១២ឆ្នាំ ឈរពីមុខកង់មួយគ្រឿង នៅការិយាល័យ នគរបាលចរាចរណ៍ផ្លូវគោក ខេត្តបន្ទាយមានជ័យ។ តាមការរៀបរាប់ ពីប្រភពដដែល បានឲ្យដឹងទៀតថា ពួកគេបានចេញ ដំណើរ ពីក្រុងប៉ោយប៉ែត ដោយជិះកង់ ជាមធ្យោបាយធ្វើដំណើរ ដើម្បី ឆ្ពោះទៅកាន់ ផ្ទះ អ៊ុំស្រី របស់ពួកគេ នៅឯស្រុក ថ្មគោល ខេត្ត បាតដំបង ឯណោះ ដែលត្រូវ ចំណាយពេល យ៉ាងយូរ លើចំងាយផ្លូវ ប្រមាណជា ៩០គីឡូម៉ែត្រ។ ប្រភព បានបន្តថា លុះដល់ពេល ត្រឡប់មកវិញ ពីរនាក់បងប្អូននេះ បានធាក់កង់ រហូតមកទល់ម៉ោង ២ ទៀបភ្លឺ ដល់ទឹកដី ខេត្ត បន្ទាយមានជ័យ ទើបត្រូវ សមត្ថកិច្ច ឃាត់ដំណើរ ដើម្បី ឲ្យនៅគេងមួយយប់សិន ខណៈក្មេងប្រុស ជាប្អូន ងងុយគេងពេក ណាស់ទៅហើយ៕

ប្រិយមិត្ត មានមតិយោបល់ យ៉ាងណាដែរ ចំពោះរឿងនេះ?

រូបភាព ក្មេងប្រុសទាំងពីរនាក់ បងប្អូន ដែលគេបង្ហោះ លើហ្វេសប៊ុក

ប្រភព៖ Facebook

ដោយ សី

ខ្មែរឡូត