រាជធានីភ្នំពេញ៖ បុរសម្នាក់ដោយសារ តូចចិត្តខ្លួនជំងឺប្រចាំកាយ (អេដស៍)ជាយូរ បានសម្រេចចិត្ត ចង.ក សម្លាប់ខ្លួននៅក្នុង ផ្ទះសំណាក់ យីហោ «មិត្តភាព» បង្កឱ្យភ្ញាក់ផ្អើលកាល ពីវេលាម៉ោង ០៩ និង២០ នាទីព្រឹកថ្ងៃទី០៦ ធ្នូ ២០១៤ នេះ ស្ថិតនៅបន្ទប់ លេខ១០១ (ជាន់ទី១) ក្នុងផ្ទះលេខ៦ ផ្លូវ២២៣ សង្កាត់ផ្សារដើមគរ ខណ្ឌទួលគោក ។

ប្រភពបានឱ្យដឹងថា សពជនរងគ្រោះ ត្រូវបានស្គាល់ ឈ្មោះឈន សុម៉ាឡែន អាយុ៣៤ឆ្នាំ មានទីលំនៅ ក្នុងបុរីកីឡាជាន់ទី៥ ក្នុងសង្កាត់វាល វង់ ខណ្ឌ៧មករា ។

ប្រភពពីស្ត្រីជាម្តាយ ជនរងគ្រោះបានឱ្យដឹងថា កូនប្រុសរបស់ គាត់មានជំងឺអេដស៍ ជាង១០ឆ្នាំមកហើយ ហើយនៅវេលាល្ងាចថ្ងៃទី០៥ ធ្នូ ម្សិលមិញ បានជិះម៉ូតូ មកលេងផ្ទះ តែឡើងទៅលើ ផ្ទះអត់រួច ព្រោះអត់កម្លាំង ក៏បានទូរស័ព្ទប្រាប់ម្តាយថា ខ្លួនត្រឡប់ទៅជួល ផ្ទះសំណាក់យីហោ «មិត្តភាព» ដេកវិញ ។ លុះពេលព្រឹកឡើង បងប្រុសឈ្មោះឈន រ័ត្នសិក្សា បានទៅមើលប្អូន ព្រោះបម្រុងជូន ទៅពេទ្យរុស្ស៊ី ពេលទៅ ដល់បន្ទប់បើកទ្វារ ក៏ប្រទះឃើញ ចង.កស្លាប់ បាត់ទៅហើយ ៕

                        បុរសម្នាក់បានសម្រេចចិត្តចង.កសម្លាប់ខ្លួន

                          ចង.កសម្លាប់ខ្លួននៅក្នុងផ្ទះសំណាក់យីហោ «មិត្តភាព»

                          ម៉ូតូរបស់បុរសដែលបានសម្រេចចិត្តចង.កសម្លាប់ខ្លួន

ផ្តល់សិទ្ធដោយ កោះសន្តិភាព