ភ្នំពេញ៖ កាលពីព្រឹកមិញនេះ ខ្មែរឡូត បានធ្វើការចុះផ្សាយ នូវព័ត៌មាន ទាក់ទងនឹង យុវតីរូបស្រស់ ដែលប្រើប្រាស់ គណនីហ្វេសប៊ុក Choco XD II បានទទួលរង នូវគ្រោះថ្នាក់ ធ្ងន់ធ្ងរ ក្នុងករណី ចោរឆក់ កាលពីថ្ងៃអង្គារ៍ ទី០២ និងបានស្លាប់ នៅថ្ងៃពុធ ទី០៣ ខែវិច្ឆិកា ឆ្នាំ២០១៤ កន្លងទៅនេះ។

ជាមួយគ្នានេះ នៅថ្ងៃទី០៤ វិច្ឆិកានេះ ក៏មានយុវជនម្នាក់ ប្រើប្រាស់ គណនីហ្វេសប៊ុក Ng Haii PoZz Ly ដែលបាន អះអាង និងត្រូវគេ ស្គាល់ថា គឺជាមិត្តប្រុស របស់យុវតីរងគ្រោះ បានបកស្រាយ ចំពោះការស្លាប់ របស់មិត្តស្រីខ្លួន យ៉ាងអាលោះអាល័យ យ៉ាងខ្លាំង។

យុវជនម្នាក់ ប្រើប្រាស់ គណនីហ្វេសប៊ុក Ng Haii PoZz Ly រូបនោះ បានអះអាងថា មិត្តស្រីរបស់ខ្លួន ដែលមាន គណនីហ្វេសប៊ុក Choco XD II មិនមែនស្លាប់ ដោយសារតែ ចោរឆក់ទេ គឺស្លាប់ដោយសារ ឡានដឹកដី បុកពីក្រោយ នៅជិតទន្លេបាទី។ យុវជនរូបនោះ បានបន្តទៀតថា មិត្តស្រីខ្លួន បានស្លាប់ នៅវេលាម៉ោង ៥ល្ងាច ដោយខ្លួន ជាអ្នកទៅលើកនាង ដោយផ្ទាល់តែម្តង។

យ៉ាងណាមិញ បន្ទាប់ពីបាន អះអាងបែបនេះរួច យុវជន Ng Haii PoZz Ly ក៏សរសេរ ដោយសេចក្តី អាលោះអាល័យ យ៉ាងខ្លាំង នូវឃ្លាចុងក្រោយថា «ខ្ញុំចង់ប្រាប់ថា ខ្ញុំនៅតែស្រលាញ់នាង»។ ទោះបីជាយ៉ាងណា នេះគឺជាការ អះអាង របស់មិត្តប្រុស ក៏ដូចជា មិត្តភក្ត័ យុវតីរងគ្រោះ ប៉ុណ្ណោះ ចំនែកឯ ពិត ឬមិនពិត គេមិនបាន ដឹងច្បាស់ឡើយ៕

                       ការអះអាង របស់មិត្តប្រុស និងមិត្តភក្ត័ យុវតីរងគ្រោះ

                  ការអះអាង នៅលើហ្វេសប៊ុក ថាជាករណី ចោរឆក់

ប្រភព ៖ ហ្វេសប៊ុក

ដោយ ៖ ប៊ី

ខ្មែរឡូត