រាជធានីភ្នំពេញ ៖ ប្រភពព័ត៌មានបានឲ្យដឹងមិនទាន់ជាផ្លូវការថា ការឃាត់ខ្លួនអង្គរក្សលោក ឧកញ៉ា ថោង សារ៉ាត់ ៣នាក់ដែលខ្លះថាក្នុងនោះមានម្នាក់ពាក់ព័ន្ធជាជនដៃដល់បាញ់សម្លាប់លោកឧកញ៉ា អ៊ឹង ម៉េងជឺ គឺឈ្មោះទៀង វាសនា អាយុ៤៤ឆ្នាំ ។ ព័ត៌មានមិនផ្លូវការចុងក្រោយនេះបានឲ្យដឹងថា ឈ្មោះទៀង វាសនា ត្រូវបានសមត្តកិច្ចស្រាវជ្រាវរកឃើញថា ជាជនសង្ស័យម្នាក់ជាអ្នកជិះម៉ូតូតាមជនរងគ្រោះ ។

ប្រភពព័ត៌មានឲ្យដឹងថា រថយន្តជនរងគ្រោះជាប្រភេទរថយន្តទំនើបបំពាក់កាមេរ៉ាមុខ ក្រោយ ចំហៀងអាចមើលជុំវិញបានទាំងអស់នឹងច្បាស់ទៀតង នៅពេលណាមានការ ប៉ះពារគ្នា ។ កាមេរ៉ាសុវត្តិភាពបំពាក់នៅរថយន្តទំនើបដូចរថយន្តលោកឧកញ៉ា អ៊ឹង ម៉េងជឺ មានកាមេរ៉ារបស់វា ពេលណាមានកើតហេតុការអីអាចឆែកកាមេរ៉ានោះមើលបាន ។ អ្នកជំនាញបាននិយាយថា ករណីឃាតកម្មលើឧកញ៉ា អ៊ឹង  ម៉េងជឺ  សមត្តកិច្ចបានយក កាមេរ៉ា របស់រថយន្តនោះទៅឆែកមើល ពេលវេលាមុនកើតហេតុបន្តិចមុននិងមានអំពើបាញ់ប្រហារ ដំបូងគេបានឃើញមនុស្ស២នាក់ជិះម៉ូតូធុនទំនើបពាក់មួកការពារសុវត្តិភាពទាំងពីរនាក់ បានជិះតាមពីក្រោយ រថយន្តជនរងគ្រោះរហូត នៅពេលជិតដល់កន្លែងកើតហេតុអ្នកជិះខាងក្រោយ បានបើកមួកការពាសុត្តិភាពនិយាយទូរសព្ទ័ ដែលពេលនោះកាមេរ៉ារថយន្តជនរងគ្រោះចាប់បានមុខជនសង្ស័យច្បាស់ដូចថ្ងៃ ។

នៅក្នុងកាមេរ៉ានោះសមត្តកិច្ចបានឆែកឃើញថា នៅពេលជនរងគ្រោះឈប់រថយន្តជនសង្ស័យ២នាក់ដែលជិះម៉ូតូតាមពីក្រោយបានជិះផុតទៅមុខបាត់ទៅ ក៏ស្រាប់តែលេចមុខជនសង្ស័យ២នាក់ជិះម៉ូតូទំនើប១គ្រឿងទៀត ទៅបាញ់ប្រហារលោកឧកញ៉ា អ៊ឹង ម៉េងជឺ យ៉ាងសាហាវបណ្តាលឲ្យស្លាប់តែម្តង ។ ប្រភពមិនផ្លូវការឲ្យដឹងទៀតថា ដោយយោងលើភស្តុតាងប្រអប់ខ្មៅរថយន្តរបស់ជនរងគ្រោះនោះហើយ សមត្តកិច្ចបានធ្វើការស្រាវជ្រាវទៅឃើញថា អ្នកជិះម៉ូតូតាមរថយន្តជនរងគ្រោះគឺជាអង្គរក្សលោកឧកញ៉ា ថោង សារ៉ាត់ ឈ្មោះទៀង វាសនា អតីតទាហ៊ានង៧០ បានជាសមត្តកិច្ចនគរបាលរាជធានីភ្នំពេញ សហការណ៍ជាមួយនាយកដ្ឋាននគរបាលព្រហ្មទណ្ឌក្រសួងមហាផ្ទៃ ឈានទៅធ្វើការចាប់ខ្លួនអង្គរក្ស លោកឧកញ៉ាថោង សារ៉ាត់ ៣នាក់ ដោយទាំងលោកឧកញ៉ាផងដែរ ។

ហើយបើតាមប្រភពព័ត៌មានថាអង្គរក្សម្នាក់នោះបានសារភាពថាខ្លួនបានជិះម៉ូតូពីក្រោយរថយន្តជនរងគ្រោះនោះមែនតែមិនជាប់ពាក់ព័ន្ធនឹងការបាញ់ប្រហារជនរងគ្រោះទេ ។  សមត្តកិច្ចមិនមែនមានភស្តុងតែប៉ុណ្ណឹងទេ នៅមានច្រើនជាងនេះទៀតដែលអាចធ្វើការចោទប្រកាន់ទៅលើជនសង្ស័យ គ្រាន់តែពេលនេះនៅមិនទាន់បានទំលាយឲ្យដឹងជាសាធារណៈ បើឲ្យដឹងនៅពេលចប់បើកការស៊ើបប្រកត់ជាសមត្តកិច្ចជំរាបជួនមិត្តអ្នកអានបានជ្រាប ។ 

ចុចមើល៖ រូបថតឃាតករនៅត្រង់នេះ!

ចុចអានបន្ត៖ សមត្ថកិច្ច៖ ឧកញ៉ា ថោង សារ៉ាត់ ជាមេក្លោងសម្លាប់ ឧកញ៉ា អ៊ឹង ម៉េងជឺ

ផ្តល់សិទ្ធដោយ កោះសន្តិភាព