វីដេអូមួយ ត្រូវបានគេ បង្កើតឡើង ក្នុងន័យអប់រំ ដែលស្តែងឲ្យឃើញ ពីទឹកចិត្តស្រលាញ់ ថ្នាក់ថ្នមមិនអាច កាត់ថ្លៃបានរបស់ម្តាយ ទៅលើកូនប្រុសស្រី ដោយប្រឹងប្រែង រកប្រាក់ មិនខ្លាចលំបាក នឿយហត់ ដើម្បីបំពេញបំណងកូន។

សាច់រឿង នៅក្នុងវីដេអូ បានបង្ហាញពី គ្រួសារមួយ ដែលមានតែ ២នាក់ ម្តាយ និង កូនស្រី មានជីវភាព សមរម្យមួយ ដោយម្តាយជាអ្នក លក់របស់បន្តិចបន្តួច នៅផ្ទះគ្រាន់ ដោះស្រាយជីវភាព និង បង់ថ្លៃសាលាកូនស្រី ដែលរៀននៅ សាកលវិទ្យាល័យ។ ម្តាយខំរកប្រាក់ យ៉ាងលំបាក ដើម្បីឲ្យកូនរៀន ប៉ុន្តែកូនស្រី បែរជាលួច គេចមិនចូលរៀន ព្រោះតែ ទៅតាមសង្សារ របស់នាង។ មិនតែប៉ុណ្ណោះ នាងថែមទាំងត្រូវ បានសំភារៈនិយម អូសទាញ រហូតទារម្តាយប្តូរ ម៉ូតូថ្មីទំនើបតម្លៃថ្លៃ។

ជាមួយគ្នានេះដែរ ម្តាយខំប្រមូលប្រាក់ ដែលខំសន្សំយ៉ាងលំបាក ដើម្បីទិញម៉ូតូ ដែលកូនចង់បាន ប៉ុន្តែសំណាងអាក្រក់ នៅតាមផ្លូវទៅទិញម៉ូតូ ត្រូវចោរ ឆក់កាបូបទៅបាត់ ប៉ុន្តែដោយមិនចង់ឲ្យ កូនស្រីខកបំណង ម្តាយក៏ទៅខ្ចីលុយ អ្នកចងការប្រាក់ ដើម្បីទិញម៉ូតូឲ្យកូន។ ដោយសារតែ មិនអាចរកប្រាក់សង គេទាន់ពេលវេលា ទើបគាត់ ពិបាកចិត្តរាល់ថ្ងៃ ប៉ុន្តែ ចុងក្រោយកូនក៏បាន ភ្ញាក់ខ្លួន ក៏បានលក់ ម៉ូតូនោះចោលវិញ ហើយខំរកការងារបានធ្វើ និង យកប្រាក់ខែដំបូង ទៅជូនម្តាយ ថែមទៀតផង។

យ៉ាងណាមិញ វីដេអូខ្លី ក្នុងន័យអប់រំ មួយនេះ បង្កើតឡើង ដើម្បីជាសារ ដាស់តឿនដល់ យុវវ័យទាំងអស់ ត្រូវចេះភ្ញាក់ខ្លួន កុំឲ្យសំភារៈអូសទាញ ហើយត្រូវ ចេះដឹងគុណ និង ការលំបាករបស់ម្តាយ កុំធ្វើឲ្យគាត់អស់សង្ឃឹម៕

                                       ម្តាយលក់ឥវ៉ាន់ បន្តិចបន្តួចនៅផ្ទះ



                           កូនស្រីមិនចូលរៀន គេចទៅដើរលេង ជាមួយសង្សារ


               ម្តាយយំស្រែក ពេលចោរឆក់កាបូប ប្រាក់សម្រាប់ទិញម៉ូតូ ឲ្យកូនទៅបាត់


                     កូនស្រីភ្ញាក់ខ្លួន រកការងារធ្វើ ហើយយកប្រាក់ដំបូង ទៅជូនម្តាយ

ទស្សនាវីដេអូ៖

ប្រភព៖ យូធូប

ដោយ និមល

ខ្មែរឡូត