ចិន ៖ នេះពិតជារឿង ដ៏រំជួលចិត្តខ្លាំងណាស់ ដែលលោកតាវ័យចំណាស់ម្នាក់ នៅតែស្រលាញ់ស្មោះស្ម័គ្រនឹងលោកយាយ ទោះបីជាលោកយាយ មានជំងឺស្លាប់ អស់មួយតួខ្លួន ក៏ដោយ។ មិនតែប៉ុណ្ណោះទេ លោកតា បានចំនាយពេល ជារៀងរាល់ថ្ងៃ មើលថែទាំ និង ទំពារចំនី អាហារបញ្ចុក លោកយាយ ដែលមាន រយៈពេល ១១ ឆ្នាំ កន្លងមកហើយ ដែលបានធ្វើឲ្យ អ្នកនិយមលេង អ៊ិនធើណេត ជាច្រើន មានការកោតសរសើរ នូវទង្វើរបស់លោកតា ជាខ្លាំង។

លោកតាម្នាក់នេះ មានឈ្មោះ Zhang Changshan អាយុ ៧៩ ឆ្នាំ រសនៅខេត្ត Hebei ប្រទេសចិន បាន ទំពារអាហារ រួចបញ្ចុកមាត់ ទល់ នឹងមាត់ ប្រពន្ធរបស់គាត់ ជារៀងរាល់ថ្ងៃ ដែលមកទល់ពេលនេះ គឺ មានរយៈពេល ១១ ឆ្នាំ កន្លងមកហើយ ចាប់តាំងពីប្រពន្ធរបស់គាត់ មានជំងឺដាច់សរសៃឈាម ក្នុងខួរក្បាល និង មិនអាចកំរើករាងកាយបាន ក្នុងឆ្នាំ ២០០៣។

លោកតា បានប្រាប់ បណ្តាញសារព័ត៌មាន ថា វេជ្ជបណ្ឌិត និយាយថា ប្រពន្ធរបស់គាត់ អាចរស់បាន ក្នុងរយៈពេលមួយខែ តែប៉ុណ្ណោះ បន្ទាប់ពីបានដាច់ សរសៃឈាម ក្នុងខួរក្បាល រួចមក។ ទោះបីជាគ្រូពេទ្យ និយាយដូច្នេះ ក៏ដោយ ក៏លោកតា មិនអស់សង្ឃឹម ថាប្រពន្ធរបស់គាត់ នឹងបាត់បង់ជីវិត ទៅចោលគាត់ដែរ។ នៅពេលនោះ លោកតា បានព្យាយាម មើលថែទាំលោកយាយ ដោយរៀនពី របៀប ម៉ាស្សា បែបចិន ដើម្បីយកមក ម៉ាស្យា ឲ្យលោកយាយ ជារៀងរាល់ថ្ងៃ ពីព្រោះលោកតា ពិតជាមិនចង់ បាត់បង់ប្រពន្ធ ជាទីស្រលាញ់ របស់គាត់ឡើយ។

ដោយសារតែ ការមើលថែទាំ យ៉ាងយកចិត្តទុកដាក់ ពីលោកតា ជារៀងរាល់ថ្ងៃ ដូច្នេះហើយ គឺលោកយាយ អាចនៅមានជីវិតរស់ រហូតដល់សព្វថ្ងៃ ដែលខុសពី ការពិនិត្យ របស់គ្រូពេទ្យ ថាលោកយាយ នឹងត្រូវស្លាប់ ក្នុងរយៈពេលមួយខែ។

លោកតា កំពុងយកចំនីអាហារ ដែលគាត់បានទំពារ ទៅដាក់ក្នុងមាត់ លោកយាយ

លោកតា កំពុងមើលថែទាំ លោកយាយនៅឯផ្ទះរបស់គាត់

លោកតា កំពុងផ្តល់បទសំភាសន៍ ដល់បណ្តាញសារព័ត៌មាន ចិន

ចុះប្រិយមិត្តយល់យ៉ាងណាដែរ ? 

ប្រភព ៖ សៀងហៃ

ដោយ ៖ ណា

ខ្មែរឡូត