ភ្នំពេញ៖ ជាធម្មតា ប្រជាពលរដ្ឋ របស់យើង តែងតែមានការ ខឹងសម្បារ និង ស្អប់ខ្ពើម នូវអំពើ ចោរកម្ម ដូចជា លួច, ឆក់ និងប្លន់ ជាដើមនោះ ដូច្នេះហើយ ឲ្យតែពួកគាត់ ចាប់បានចោរ ដោយផ្ទាល់ដៃ គឺពួកគាត់តែងតែ ស្វាគមន៍ម្នាក់មួយដៃ មួយជើង ដើម្បីរំសាយកំហឹង និងជាការ ព្រមានដល់ ពួកចោរទាំងនោះ កុំឲ្យប្រព្រឹត្ត ម្តងទៀត។

តួយ៉ាងដូចជា វីដេអូឃ្លីបថ្មីមួយ ដែលទើបតែបាន បង្ហោះចូលក្នុង បណ្តាញសង្គម ហ្វេសប៊ុក ដែលបានបង្ហាញពី ទិដ្ឋភាពរបស់ ប្រជាពលរដ្ឋជាច្រើន ចាប់បានចោរ ២នាក់ ដែលសុទ្ធសឹងតែ ជាក្មេងប្រុស និង បានវាយ ទាត់ធាក់ ពួកគេឡើង ទ្រោមខ្លួន ដេកដួលនៅលើដី តែម្តង។

យោងតាមប្រភព វីដេអូបាន បញ្ជាក់ថា ចោរ២នាក់នេះ បម្រុងនឹងលួច ម៉ូតូរបស់ប្រជាពលរដ្ឋ នៅក្បែរវត្ត ទួលទំពួង តែចៃដន្យមាន គេឃើញទាន់ ហើយក៏ចាប់ វាយតែម្តងទៅ។

យ៉ាងណាមិញ យើងអាចមើលឃើញថា ចោរទាំង២នាក់នេះ សុទ្ធតែមាន វ័យក្មេង ទំនងជាសិស្សសាលា និងមិនទាន់ មានការយល់ ដឹងច្រើន ដូច្នេះការវាយដំ ដល់ថ្នាក់បែបនេះ ហាក់ដូចជា មានភាពសាហាវ បន្តិចហើយ ពួកគាត់ក៏អាច គ្រាន់តែចាប់ខ្លួន ពួកគេទុក ឲ្យសមត្ថកិច្ច ធ្វើការដោះស្រាយ តាមផ្លូវច្បាប់ ក៏ជាការល្អមួយ ផងដែរ៕

ចុះប្រិយមិត្តវិញ យល់យ៉ាងណាដែរ?

ចង់ដឹងថា ទិដ្ឋភាពនោះយ៉ាងណា សូមទស្សនា វីដេអូខាងក្រោម៖

                              រូបភាព: ទិដ្ឋភាពដែល ប្រជាជនព័ទ្ធ វាយចោរលួច ម៉ូតូ

ប្រភព៖ ហ្វេសប៊ុក

ដោយ៖ សុជាតិ

ខ្មែរឡូត