ឈានចូល មកដល់ខែ ធ្នូ ជាខែ ចុងក្រោយ មុនដំណាច់ឆ្នាំ ២០១៤ បើក្រលេក បកក្រោយ វិលទៅកាន់ខែ វិច្ឆិកា វិញ តើប្រិយមិត្ត នៅចាំថា នៅក្នុងព្រះរាជា ណាចក្រកម្ពុជា មានព្រឹត្តិការណ៍ធំៗ អ្វី កើតឡើងខ្លះ?

[ចុចលើរូបភាព ដើម្បីចូលអាន ព័ត៌មានលម្អិត]

កាលពី រសៀលថ្ងៃទី ២ ខែ វិច្ឆិកា ឆ្នាំ ២០១៤ វេលាម៉ោង ប្រមាណជា ៤៖២០ នាទី រសៀល ស្រ្តីម្នាក់ បានស្លាប់ភ្លាមៗ នៅនឹងកន្លែង កើតហេតុគួរឲ្យ អាណិត អាសូរយ៉ាងខ្លាំង និង គួរឲ្យ អាណោចអាធម យ៉ាងពន់ពេក ដោយសារ តែដែក ជ្រុងប្រវែង ជាង១ម៉ែត្រ បានធ្លាក់ ពីលើអាគារ កំពុង សាងសង់ ស្ថិតនៅ ជាប់របង ស្តាតអូឡាំពិក សង្កាត់វាលវង់ ខណ្ឌមករា ហើយចំក្បាល ស្រ្តីរងគ្រោះ បណ្តាលឲ្យពុះ ក្បាលជាពីរ បែកចេញខួរ។

ក្រុមចោរ ប្រដាប់អាវុធ មានគ្នា ៤នាក់ ត្រូវគ្រាប់កាំភ្លើង ស្លាប់ម្នាក់ ខណៈបុរស ជាអាជីវករ លក់មាស រងគ្រោះ ត្រូវរបួសជើងស្តាំ ក្នុងហេតុការណ៍ ប្លន់ ប្រាក់រៀល និង ប្រាក់ដុល្លារ អស់សរុបប្រមាណ ៣០ ម៉ឺនដុល្លារ និង គ្រឿងអលង្ការ សរុបប្រហែល ៦០ តម្លឹង កាលពីវេលា ម៉ោង ៥៖១៥ នាទី ថ្ងៃទី ២ ខែ វិច្ឆិកា នៅភូមិកណ្តោលកោង ឃុំកោងកាង ស្រុកពញាក្រែក ខេត្តត្បូងឃ្មុំ។

កាលពីថ្ងៃទី ១១ ខែ វិច្ឆិកា ឆ្នាំ ២០១៤ កើតមាន ភាពកក្រើក យ៉ាងខ្លាំង នៅក្នុងបណ្តាញសង្គមហ្វេសប៊ុក នៅពេល ដែលប្រទះឃើញ សាកសព របស់នារី រូបស្រស់ មានគណនីហ្វេសប៊ុក Lina Kmeng Lngoung ចង.ក សម្លាប់ខ្លួន នៅក្នុងបន្ទប់ ជួលមួយកន្លែង ស្ថិតនៅក្នុងភូមិ ៤ ក្រុមទី ៣៦ សង្កាត់ ទួលទំពូង ទី១ ខណ្ឌចំការមន នៅវេលាម៉ោង ប្រមាណជា ២ រសៀល។

នៅព្រឹកព្រលឹម ថ្ងៃទី ១៤ ខែ វិច្ឆិកា ឆ្នាំ ២០១៤ អគ្គិភ័យ បានឆាបឆេះ លំនៅដ្ឋាន ប្រជាពលរដ្ឋ មួយកន្លែង ក្បែរផ្សារ អូរប្ញស្សី នៅតាមបណ្តោយផ្លួវ លេខ១២៥ ក្នុងសង្កាត់ បឹងព្រលឹត ខណ្ឌ៧មករា។

នៅវគ្គផ្តាច់ព្រ័ត្រ កាលពីថ្ងៃទី ១៦ ខែ វិច្ឆិកា បេក្ខជន ប៊ុត សីហា កូនក្រុម របស់លោក លោក ឆន សុវណ្ណរាជ ទីបំផុត បានក្លាយជា ម្ចាស់ជ័យលាភី ពាន The Voice Cambodia ក្រោយមានការ បោះឆ្នោត គាំទ្រ ពីទស្សនិកជនយ៉ាងច្រើន។

យ៉ាងហោចណាស់ មនុស្ស ៥ នាក់ បានស្លាប់ និង រងរបួសមួយចំនួន នៅក្នុងហេតុការណ៍ អគ្គីភ័យ ឆេះក្លឹប កម្សាន្ត Hip Hop ស្ថិតនៅទល់ នឹងរង្វង់មូល វត្តដំណាក់ សង្កាត់ សាលា កំរើក ក្រុង សៀមរាប ខេត្តសៀមរាប កាលពីរាត្រីម៉ោង ២ និង ៤៥ នាទី ឈានចូលថ្ងៃទី១៨ ខែវិច្ឆិកា ឆ្នាំ២០១៤។

ឪពុក ម្តាយ និងកូនស្រី ៣នាក់ ត្រូវស្លាប់ យ៉ាងអាណោចអាធ័ម ក្នុងភ្នក់ភ្លើង បន្ទាប់ពីជន មិនស្គាល់មុខ ចងផ្អោបគ្នា ហើយចាក់សាំង ដុតសម្លាប់ កាលពីវេលា ម៉ោង១២ និង៣០នាទី រំលងអធ្រាត្រ ឈានចូល ថ្ងៃទី២១ វិច្ឆិកា ២០១៤ នៅភូមិកូនដំរី ឃុំអូរអណ្តូង ស្រុកសាលាក្រៅ។

បណ្តាញសង្គម ហ្វេសប៊ុក ហាក់ដូចជា កក្រើកយ៉ាងខ្លាំង បន្ទាប់ពីទទួលបានដំណឹង និង បានមើលវីដេអូ ការបាញ់សម្លាប់ លោកឧកញ៉ា អ៊ឹង ម៉េងជឺ ថៅកែក្រុមហ៊ុន ស៊ីម៉ង់តិ៍ពេជ្រ ពេលកំពុង ចុះទិញផ្លែឈើ ក្បែរបងស្តាតអូរឡាំពិក ស្ថិតក្នុង សង្កាត់ទួល ស្វាយព្រៃទី២ ខណ្ឌចំការមន នាវេលម៉ោង ៧ និង១៨នាទីថ្ងៃទី២២ ខែវិច្ឆិកា ឆ្នាំ២០១៤។

យ៉ាងហោចណាស់ តូបរបស់អាជីវករ នៅក្នុងផ្សារចាស់ ខណ្ឌដូនពេញ ជាង៣០០តូបត្រូវ បានភ្លើងឆាបឆេះ ទាំងស្រុង កាលពីព្រឹក ព្រលឹមថ្ងៃទី ២៤ ខែវិច្ឆិកា ឆ្នាំ២០១៤ ដែលធ្វើឱ្យ មានការភ្ញាក់ផ្អើល យ៉ាងខ្លាំងនិងភ័យ ស្លន់ស្ងោ រត់ឆ្លេរឆ្លា ពីសំណាក់ក្រុម អាជីវករ ដែលរកស៊ី នៅក្នុងផ្សារវ័យ ចំណាស់ មួយនេះ។

រំលងបានតែ ២ ថ្ងៃ អគ្គីភ័យមួយ ករណីទៀត បានឆាបឆេះផ្សារ ក.អណ្តើត ទាំង ដោយលើកនេះ តូបចំនួន ២៦៣ និងផ្ទះ ប្រជាពលរដ្ឋ នៅជុំវិញផ្សារ ចំនួន២៨ខ្នង ត្រូវឆេះទាំងស្រុង ទាំងកណ្តាលអាធ្រាត នាវេលាម៉ោងជាង ១២ រំលងអធ្រាត្រឈានចូលថ្ងៃទី ២៦ វិចិ្ឆកា ២០១៤ ស្ថិតក្នុង ភូមិប្រាសាទ ស្រុក កំពង់ត្របែក ខេត្តព្រៃវែង។

មនុស្សប្រុសម្នាក់ និង ស្រីម្នាក់ ត្រូវចាប់ខ្លួន ព្រមជាមួយនឹង ថ្នាំញៀនប្រភេទ ម៉ាទឹកក ជិត ៣គីឡូក្រាម ថ្នាំយ៉ាម៉ាមួយចំនួន ទៀត លុយដុល្លារ ៥៤៥០០ដុល្លារ និងលុយខ្មែរ ១៧០លានរៀល រថយន្តចំនួន ៣គ្រឿង (កាមរីបាឡែន រថយន្តម៉ាកស៊ីរូស និងឡិចស៊ីស ៣៣០ ) និងដកហូតកាំភ្លើងខ្លី ស៊េរីទំនើប មួយដើម ក្នុងប្រតិបត្តិការ បង្ក្រាបគ្រឿងញៀន នៅផ្ទះល្វែងសង់ថ្មី មួយកន្លែង ក្នុងសង្កាត់ បឹងសាឡាង ខណ្ឌទួលគោក កាលពីម៉ោង ៥និង ១៥នាទី ល្ងាចថ្ងៃទី ២៦ វិច្ឆិកា ២០១៤។

កាលពីថ្ងៃទី ២៣ សីហា ឆ្នាំ ២០១៤ ស្ត្រីជាប្រពន្ធ ជនជាតិខ្មែរ ដែលមានផ្ទៃពោះ ៧ ខែ ឈ្មោះ អ៊ី ស៊ីឡែន មានស្រុកកំណើតនៅ ភូមិក្តលំលើ ឃុំទ្រា ស្រុកក្រូចឆ្មារ ខេត្តត្បូង បានស្លាប់នៅក្នុងហេតុការណ៍ គ្រោះថ្នាក់ចរាចរណ៍មួយ ដែលរៀបចំផែនការ ដោយប្តីជនជាតិ កូរ៉េខាងត្បូង ដើម្បីទទួលបាន ប្រាក់ជិត ៩លានដុល្លារអាមេរិក ពីក្រុមហ៊ុន ធានារ៉ាប់រង។

ដោយ RoMeo

ខ្មែរឡូត