កម្មវិធី លំដាប់ថ្នាក់ពិភពលោក Cambodia’s Got Talent រដូវកាលទី១ សប្តាហ៍ទី១ បានចាប់ផ្តើម ផ្សាយ កាលពីយប់ ថ្ងៃអាទិត្យ ម្សិលមិញនេះ ដោយក្នុងនោះ ឃើញថា បេក្ខជន មានសមត្ថភាព ជាច្រើនរូប បានចូលរួម សម្តែង សមត្ថភាពរបស់ខ្លួន។

ប្អូនប្រុស ព្រហ្ម សុខរីណា វ័យ ១៤ឆ្នាំ ជាបេក្ខជន មួយរូប មកពី រាជធានីភ្នំពេញ បានចូលរួម បញ្ចេញសមត្ថភាព រាំក្បាច់មនុស្សយន្ត នៅក្នុងកម្មវិធី Cambodia’s Got Talent ផងដែរ ដែលបានធ្វើឲ្យ អ្នកទស្សនាហើយ មានការចាប់អារម្មណ៍ យ៉ាងខ្លាំង ដែលមិនត្រឹមតែ ទស្សនិកជនប៉ុណ្ណោះទេ សូម្បីតែ គណៈកម្មការ ទាំង៣រូប ក៏កោតសរសើរ នូវសមត្ថភាព របស់ រីណា ដែរ។ អ្វីដែលរឹតតែ មិននឹកស្មានដល់ ទៀតនោះ គឺនាយ កុយ ដែលជា គណៈកម្មការ មួយរូប ដែរនោះ មានការពេញចិត្ត ជាខ្លាំង រហូតដល់ សំរេចចិត្ត ចុចប៊ូតុង ពណ៌លឿង ធ្វើឲ្យ រីណា អាចឆ្លងផុត វគ្គជម្រុះ ដោយស្វ័យប្រវត្តិ ទៅកាន់វគ្គ Live Show។

ដើម្បីជ្រាបច្បាស់ សូមប្រិយមិត្ត ទស្សនាវីដេអូ ខាងក្រោមទាំងអស់គ្នា៖

ប្រភព៖ ប៉ុស្តិ៍ហង្សមាស HDTV | Cambodia’s Got Talent

ដោយ សី

ខ្មែរឡូត