ចំណាប់អារម្មណ៍របស់លោក ហឹុម ទ្រី អគ្គនាយក ក្រុមហ៊ុន តាំង សេង ហួត អន្តរជាតិ

ភ្នំពេញ៖ ថ្ងៃទី ២៧ វិច្ឆិកា ឆ្នាំ ២០១៤

ជាបឋម ខ្ញុំបាទសូមគោរពឯកឧត្តមបណ្ឌិត ថោន ខុន រដ្ឋមន្ត្រី ក្រសួងទេសចរណ៍ និងជា ប្រធាន គណៈកម្មាធិការ ជាតិអូឡាំពិកកម្ពុជា ។ សូមគោរព ឯកឧត្តម វ៉ាត់ ចំរើន អគ្គលេខាធិការ នៃ គណៈកម្មាធិ ការជាតិ អូឡាំពិកកម្ពុជា សូមគោរពឯកឧត្តម លោកជំទាវ លោក លោកស្រី អ្នកនាងកញ្ញា ភ្ញៀវកិត្តិយស ប្អូនៗ ខាងតំណាង ខេមរសហពន្ធ័ តេក្វាន់ដូ, បងៗនិងប្អូនៗ កីឡាករប្រដាល់ និងអ្នកសារព័ត៌មាន ទាំងអស់ ដែលមានវត្តមាន នៅទីនេះជាទីគោរព រាប់អាន …..! ថ្ងៃនេះ ខ្ញុំបាទមានសេចក្តីសោមនស្ស រីករាយ ដែលបានរៀបចំ ពិធីសន្និសីទ សារព័ត៌មាន នាព្រឹកនេះ ក្នុងគោលបំណង ផ្សព្វផ្សាយជូន សាធារណជន អោយបាន ជ្រាបពីការទទួល កញ្ញាស៊ន សៀវមីុ ជាអ្នកតំណាង ផលិតផល របស់ ក្រុមហ៊ុនតាំង សេងហួត អន្តរជាតិ គឺភេសជ្ជៈប៉ូវ កំលាំងខារា៉បាវ ហើយក៏សូម ថ្លែងអំណរគុណ យ៉ាងជ្រាលជ្រៅ ចំពោះ ឯកឧត្តម វ៉ាត់ ចំរើន អគ្គលេខាធិការ នៃគណៈកម្មា ធិការជាតិអូឡាំពិក កម្ពុជាដែល បានទទួល អោយក្រុមហ៊ុនយើងខ្ញុំ រៀបពិធីនេះ ឡើង ។ ខ្ញុំបាទ សូមឆ្លៀត ឱកាស ជម្រាប ជូនឯកឧត្តម លោកជំទាវ លោក លោកស្រី អ្នកនាងកញ្ញ និងអ្នកសារ ព័ត៌មានមេត្តា ជ្រាបថាក្រុមហ៊ុន តាំង សេង ហួត អន្តរជាតិជាក្រុមហ៊ុន ដែលទទួលបាន នូវសិទ្ធិផ្តាច់មុខ ក្នុងការនាំចូល នូវផលិត ផលភេសជ្ជៈប៉ូវ កំលាំងខារា៉បាវ តាំងពីឆ្នាំ ១៩៩០ និងបានចែកចាយ ទូទាំងប្រទេសកម្ពុជា ហើយក្រុមហ៊ុនបាននិង កំពុងនាំ ចូលនូវផលិតផល ជាច្រើន ប្រភេទទៀត ដើម្បីបំពេញតំរូវ ការប្រើប្រាស់ របស់អតិថិជន។ ភេសជ្ជៈប៉ូវ កំលាំងខារា៉បាវ បន្ថែមនូវវីតាមីន B12 ដែលធ្វើ អោយកំលាំង ខ្លាំងក្លា ឆ្លាតវៃ និងជំនួយក្នុង ការបើកបរ ចងចាំបានយូរ មិនភ្លេចភ្លាំង មិនងងុយ ដេក ហើយក៏ អាចលាយ ជាមួយស្រា និងស្រាបៀរ បានផងដែរ ។

ឯកឧត្តម លោកជំទាវ លោក លោកស្រី អ្នកនាងកញ្ញា និងអ្នកសារព័ត៌មាន ជាទីមេត្រី ក្នុងនាមខ្ញុំជា កូនខ្មែរមួយរូប ខ្ញុំពិតជា មានមោទន ភាពក្រៃលែង ក្រោយពីទទួលបានដំណឹងថា កញ្ញា ស៊ន សៀវមីុ ទទួល បានមេដាយមាស ការ ប្រកួតកីឡាតៃ ក្វាន់ដូ ក្នុងព្រឹត្តិការណ៍កីឡាទ្វីបអាសីុ លើកទី ១៧ នៅទីក្រុងអ៊ីនឆន ប្រទេសកូរ៉េខាងត្បូងកាល ពីថ្ងៃទី ៣ ខែ តុលា ឆ្នាំ ២០១៤ កន្លងទៅនេះ ហើយកញ្ញា ស៊ន សៀវមីុ បានក្លាយ ទៅជាវីរៈ នារីក្នុងដួង ចិត្តប្រជាជនកម្ពុជា គ្រប់ស្រទាប់វណ្ណៈ ។

កត្តាទាំងនេះហើយ ដែលនាំអោយក្រុមហ៊ុន បានសម្រេចចិត្តជ្រើសរើស យកកញ្ញា ស៊ន សៀវមីុ មកធ្វើជា អ្នកតំណាង ផលិតផលភេសជ្ជៈខារា៉បាវ ដូចជាការប្រើប្រាស់រូបថតនៅ លើសំបក វេចខ្ជប់ ការថតស្ប៉ត ពាណិជ្ជកម្ម , បដា, បា៉ន់ណូ និងតាមរយៈមធ្យោបាយ ផ្សព្វផ្សាយផ្សេងៗ សម្រាប់រយៈ ពេល ២ ឆ្នាំ គិតចាប់ ពីថ្ងៃចុះហត្ថលេខានេះតទៅ ។

ខ្ញុំបាទ ជួសមុខអោយក្រុមហ៊ុន ភេសជ្ជៈប៉ូកំលាំងខារ៉ាបាវ សូមគាំទ្រនិង លើកទឹកចិត្ត ស៊ន សៀវមីុ អោយហ្វឹក ហាត់ហើយទៅ ប្រកួតនៅ កីឡាអូឡាំពិក អោយបានទទួលមេដាយម្តងទៀត ។

ជាទីបញ្ចប់ ខ្ញុំបាទសូមថ្លែងអំណរគុណ ដ៏ជ្រាលជ្រៅចំពោះគណៈ ធិបតី ភ្ញៀវកិតិ្តយស និងអ្នកសារ ព័ត៌មានទាំងអស់ ដែលបានអញ្ជើញ មកចូលរួមក្នុង កម្មវិធីថ្ងៃនេះ និងសូមគោរព ជូនពរអោយ មានសុខ ភាពល្អកំុបី ឃ្លានឃ្លាឡើយ ។ សូមអរគុណ ៕

បញ្ចូលអត្ថបទដោយ ម៉ា

ខ្មែរឡូត