កំពង់ស្ពឺ ៖ បុរសម្នាក់ ដែលមានមុខរបរ ជាមួយប្រពន្ធរបស់ខ្លួនជាអ្នកចាក់កជ្រូកនិង កាប់ជ្រូកលក់នៅ ផ្សារត្រែង ត្រយឹង ឃុំត្រែង ត្រយឹង ស្រុកភ្នំស្រួច ខេត្ដកំពង់ស្ពឺ បានប្រហារស្ដ្រី ជាប្រពន្ធ របស់ខ្លួន នឹងកាំបិត ចុងស្រួច ក្រោយ ក្រោយពីពួកគេ ទាំងពីរនាក់ បានឈ្លោះ ទាស់ទែងគ្នា ដោយពាក្យសំដី ខ្លាំងៗ កាលពី ល្ងាចថ្ងៃទី២៧ ខែវិច្ឆិកា ឆ្នាំ២០១៤។

យោងតាមប្រភពព័ត៌មានពីសមត្ថកិច្ច មូលដ្ឋានបានឱ្យដឹងថា ជនរងគ្រោះជាប្រពន្ធ ដែលត្រូវប្ដីរបស់ខ្លួន ចាក់ និង កាំបិត ស្នៀត បណ្ដាល ឱ្យស្លាប់ពេលបញ្ជូន ទៅកាន់មន្ទីរ ពេទ្យ ដើម្បីធ្វើការ សង្គ្រោះខាង លើនេះមាន ឈ្មោះនាង គីមហាង អាយុ៤២ឆ្នាំ រីឯបុរស ជាប្ដី កំពុងរត់ គេចខ្លួនឈ្មោះអ៊ុក ថុង អាយុ ៥០ឆ្នាំ ។ ប្ដីប្រពន្ធ ទាំងពីរនាក់ រស់នៅភូមិ ទី១ ឃុំ ត្រែងត្រយឹង ស្រុកភ្នំស្រួច និងជា អាជីវករលក់ សាច់ជ្រូក នៅផ្សារត្រែងត្រយឹង ផងដែរ ។

ប្រភពព័ត៌មានពីសមត្ថកិច្ចបានឱ្យដឹងថា មុនពេលកើតហេតុ ពួកគេទាំងពីរនាក់បាន នាំគ្នាធ្វើដំណើរ ទៅផ្ទះ របស់ស្ដ្រី ឈ្មោះ គួយ សេង ត្រូវជាបងស្រីខាងប្ដីរួច មានទំនាស់ ឈ្លោះគ្នា តឹងសសៃក នៅទីនោះ បើទោះបី បងប្អូនជួយ ឃាត់ ក៏មិនស្ដាប់ដែរ រហូតដល់ បុរសជាប្ដីផ្ទុះហឹង្សា កាន់តែខ្លាំងរហូត បុរសជា ប្ដីចាក់ទៅលើស្ដ្រីប្រពន្ធ បណ្ដាលឱ្យស្លាប់ ពេលក្រុមគ្រួសារ និងសាច់ញាតិ ដឹកយកទៅ សង្គ្រោះបន្ទាន់ នៅមន្ទីរពេទ្យ ។

ដោយឡែក បុរសប្ដីវិញ បាននឹងកំពុងរត់គេចខ្លួន ក្រោម ការតាមចាប់របស់សមត្ថកិច្ច ៕

ផ្តល់សិទ្ធដោយ ដើមអម្ពិល